Ciapier buduć praviedzienyja kompleksnyja pravierki ŭsich abłaściej.
Kamitet dziaržaŭnaha kantrolu Biełarusi ŭ 2007 hodzie ŭzmocnić rabotu pa vyjaŭleńniu łžepradprymalnickich struktur, jakija nie vypłačvajuć padatki. Ab hetym dałažyŭ siońnia prezidentu Biełarusi Alaksandru Łukašenku staršynia KDK Zianon Łomać.
Jak paviedamili BIEŁTA u pres‑słužbie kiraŭnika dziaržavy, Zianon Łomać raskazaŭ ab vynikach raboty Kamiteta dziaržkantrolu za 2006 hod. U pryvatnaści, u minułym hodzie KDK było praviedziena 12,9 tys. pravierak, u biudžet dziaržavy pastupiła Br319 młrd.
U čas dakłada byli abaznačany asnoŭnyja napramki dziejnaści kamiteta na 2007 hod. Prezident čarhovy raz padkreśliŭ, što ŭ rabocie KDK pry praviadzieńni pravierak, pierš za ŭsio, treba kiravacca pryncypam spraviadlivaści.
Pavodle słoŭ Zianona Łomacia, u biahučym hodzie kamitet maje namier i ŭ dalejšym pravodzić uzmocnienyja pravierki vykanańnia dziaržprahram, u pieršuju čarhu prahramy pa impartazamiaščeńniu. Asablivaja ŭvaha budzie nadavacca kantrolu za efiektyŭnym vykarystańniem biudžetnych srodkaŭ.
U pieršym paŭhodździ zapłanavana taksama pravieści kompleksnyja pravierki kožnaj vobłaści respubliki. Alaksandr Łukašenka pastaviŭ zadaču, kab źviestki, atrymanyja ŭ vyniku hetych pravierak, byli daviedzieny da kiraŭnictva ŭsich rehijonaŭ.
Prezident adobryŭ praviadzieńnie pravierki vykarystańnia biudžetnych srodkaŭ u Ministerstvie ŭnutranych spraŭ. Ciapier viadziecca anałahičnaja pravierka Ministerstva abarony.
Akramia taho, Zianon Łomać jak sustaršynia biełaruska‑kitajskaj kamisii pa handlova‑ekanamičnamu supracoŭnictvu prainfarmavaŭ kiraŭnika dziaržavy ab vynikach svajoj niadaŭniaj pajezdki ŭ Kitaj.
Ciapier čytajuć
Staŭ viadomy sens kryminalnaj «spravy strachaŭščykoŭ»11
Kamientary