Цяпер будуць праведзеныя комплексныя праверкі ўсіх абласьцей.
Камітэт дзяржаўнага кантролю Беларусі ў 2007 годзе ўзмоцніць работу па выяўленню лжэпрадпрымальніцкіх структур, якія не выплачваюць падаткі. Аб гэтым далажыў сёння прэзідэнту Беларусі Аляксандру Лукашэнку старшыня КДК Зянон Ломаць.
Як паведамілі БЕЛТА у прэс‑службе кіраўніка дзяржавы, Зянон Ломаць расказаў аб выніках работы Камітэта дзяржкантролю за 2006 год. У прыватнасці, у мінулым годзе КДК было праведзена 12,9 тыс. праверак, у бюджэт дзяржавы паступіла Br319 млрд.
У час даклада былі абазначаны асноўныя напрамкі дзейнасці камітэта на 2007 год. Прэзідэнт чарговы раз падкрэсліў, што ў рабоце КДК пры правядзенні праверак, перш за ўсё, трэба кіравацца прынцыпам справядлівасці.
Паводле слоў Зянона Ломаця, у бягучым годзе камітэт мае намер і ў далейшым праводзіць узмоцненыя праверкі выканання дзяржпраграм, у першую чаргу праграмы па імпартазамяшчэнню. Асаблівая ўвага будзе надавацца кантролю за эфектыўным выкарыстаннем бюджэтных сродкаў.
У першым паўгоддзі запланавана таксама правесці комплексныя праверкі кожнай вобласці рэспублікі. Аляксандр Лукашэнка паставіў задачу, каб звесткі, атрыманыя ў выніку гэтых праверак, былі даведзены да кіраўніцтва ўсіх рэгіёнаў.
Прэзідэнт адобрыў правядзенне праверкі выкарыстання бюджэтных сродкаў у Міністэрстве ўнутраных спраў. Цяпер вядзецца аналагічная праверка Міністэрства абароны.
Акрамя таго, Зянон Ломаць як сустаршыня беларуска‑кітайскай камісіі па гандлёва‑эканамічнаму супрацоўніцтву праінфармаваў кіраўніка дзяржавы аб выніках сваёй нядаўняй паездкі ў Кітай.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы72
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары