Piać deputataŭ Viarchoŭnaj Rady Ukrainy nakiravali ŭ Osła, dzie znachodzicca Nobieleŭski kamitet miru, naminacyjny list na vyłučeńnie biełaruskaha pravaabaroncy Alesia Bialackaha na Nobieleŭskuju premiju, paviedamiŭ były pasoł Ukrainy ŭ Biełarusi Raman Biaśśmiertny:
«Heta — deputaty Viktar Marčuk, Lesia Hryharovič, Mustafa Džamiloŭ, Anatol Maćvijenka i Jarasłaŭ Kendzier. Jany ŭžo źviazvalisia z Osła i im paviedamili, što ich listy dajšli pa pryznačeńni. Što tyčycca majoj dumki, to ja dałučajusia da svaich byłych kalehaŭ-parłamientaryjaŭ. Ja taksama ŭpeŭnieny, što hety čałaviek zasłuhoŭvaje prysudžeńnia Nobieleŭskaj premii. I ja chaču pažadać usiamu biełaruskamu narodu, kab imia Bialackaha, jak baraćbita za mir, jak čałavieka, jaki adstojvaŭ hodnaść biełaruskaha naroda, zaŭždy było takim pavadyrom u ciapierašnich składanych umovach».
* * *
Deputaty polskaha siejma padtrymali vyłučeńnie na atrymańnie Nobieleŭskaj premii miru biełaruskaha pravaabaroncy Alesia Bialackaha, paviedamiła BiełaPAN kaleha Bialackaha Taćciana Raviaka.
Pavodle jaje słoŭ, prezientacyja aficyjnaj zajavy deputataŭ polskaha siejma ab vyłučeńni Bialackaha na spašukańnie Nobieleŭskaj premii miru adbyłasia 27 studzienia ŭ Varšavie. "Sabranyja podpisy pradstaviŭ deputat Andžej Halicki z partyi "Hramadzianskaja płatforma", jaki adnačasova źjaŭlajecca vice-śpikieram Parłamienckaj asamblei Rady Jeŭropy. My viedajem, što pad zajavaj stajać podpisy parłamientaryjaŭ z 27 krain, jakija ŭvachodziać u Radu Jeŭropy", — skazała Raviaka.
Ciapier čytajuć
«Vitold kazaŭ: «Nu što vy, što vy…» A mianty paśla kryčali pra mora kryvi». Palitviazień z susiedniaj kamiery raskazaŭ pra śmierć Ašurka5
Kamientary