Pra heta kažuć susiedzi Dźmitryja Kanavałava, asudžanaha na śmierć pavodle abvinavačańnia ŭ terakcie 11 krasavika 2011 hoda.
Žychary doma 8, korpus 1, pa vulicy Repina adznačajuć, što dahetul pad voknami kvatery Kanavałavych dziažuryć mašyna ź ludźmi ŭ cyvilnym. Inšym razam nieviadomyja dziažurać prosta ŭ padjeździe — pamiž pieršym i druhim pavierchami.
«Kali pad domam staić mašyna, abo na leśvicy dziažurać nieznajomyja chłopcy — značyć, baćki Kanavałava doma. Kali ŭ kvatery nikoha niama, to pracuje sihnalizacyja — jaje ŭstalavali adrazu paśla padziejaŭ u mietro.Maci vyhulvaje sabačku pad achovaj hetych chłopcaŭ. A na pracu jaje voziać na słužbovaj mašynie, pryčym achoŭniki staviacca da jaje z pavahaj — adčyniajuć pierad joj dźviery, paśmichajucca», — raspaviadaje susied pa padjeździe.
Susiedzi nie viedajuć, navošta patrebnaja takaja achova: nichto nie kaža baćkam asudžanaha ničoha drennaha, nie było i pamknieńniaŭ jakim-niebudź čynam adpomścić siamji za toje, što Dźmitryj Kanavałaŭ pryznaŭ siabie vinavatym u terakcie.
Tyja, chto nie vieryć u vinavataść Kanavałava, ličać, što jaho siamju achoŭvajuć niedaremna — chutčej za ŭsio tamu, kab baćki nie kantaktavali z žurnalistami i nie raspaviadali padrabiaznaściaŭ pra spravu syna pabočnym asobam. Baćki Dźmitryja Kanavałava paźbiahajuć kantaktaŭ navat sa svajakami Uładzisłava Kavalova, jakoha asudzili na śmierć razam ź ich synam.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj32
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary