Maładziečna: Kanduktary masava nie zvalnialisia, chacia vakansii jość
Kiraŭnictva aŭtobusnaha parka № 4 abviarhaje infarmacyju ab masavym zvalnieńni kanduktaraŭ, jakaja źjaviłasia naprykancy minułaha tydnia ŭinternet-ŚMI .
Pa słovach dyrektara aŭtaparka Jaŭstafija Karavaja, masavych zvalnieńniaŭ nie było. A
ŭtaparku da poŭnaj ukamplektavanaści nie chapaje 8–10 kanduktaraŭ. Da taho ž niechta prychvareŭ, inšy nie vyjšaŭ na rabotu pa siamiejnych abstavinach.Ale aŭtobusy pavinny vychodzić u rejs. «My ž nie možam nie puścić aŭtobus: ludziam treba jechać, šmat chto zapłaciŭ za prajazny. My raspracavali reziervny varyjant na vypadak, kali nie chapaje kanduktaraŭ», — skazaŭ jon. Pavodle hetaha varyjantu, u aŭtaparku vyznačyli maršruty, dzie pasažyrapatok mienšy. Na takich maršrutach pradavać bilety pavinny byli vadzicieli. «Za dadatkovuju apłatu, — adznačyŭ Jaŭstafij Karavaj. — Napeŭna, niechta ź ich svaje abaviazki vykonvaŭ niesumlenna, kali ŭ Internecie napisali, što biletaŭ uvohule nie pradavali».
U aŭtaparku razumiejuć, što rabota kanduktara nialohkaja i pavinna apłočvacca dastojna. Ad 1 studzienia ich zarpłata była pavialičanaja.
Pavodle infarmacyi dyrektara, siaredniaja naličanaja zarpłata kanduktara ŭ listapadzie składała 1 miljon 342 tysiačy rubloŭ, u śniežni — krychu bolš za 1 miljon 700 tysiač, u studzieni jana budzie kala 1 miljona 880 tysiač rubloŭ.«Praca ŭ ich napružanaja. Akramia taho, my bačym, što abjavy milhaciać prapanovami raboty dla žančyn, — nam treba kankuravać na rynku pracy. Tak što prymajem peŭnyja miery: pavysili zarpłatu, dali abjavy ab tym, što patrabujucca kanduktary, — skazaŭ Jaŭstafij Karavaj. — Ja b chacieŭ padziakavać tym vadzicielam i kanduktaram za ich rabotu. Bolšaść ź ich — dobryja rabotniki, jakija ŭ patrebny momant mohuć padstavić kalektyvu svajo plačo».
Ciapier čytajuć
Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim7
Kamientary