U Biełarusi padrychtavany źmianieńni asobnych norm zakanadaŭstva pa pytańniach arendnych adnosin. Ab hetym paviedamiŭ siońnia na pasiadžeńni kalehii Dziaržaŭnaha kamiteta pa majomaści Biełarusi pieršy namieśnik staršyni Dziaržkammajomaści Siarhiej Piatkoŭ.
«Istotnym źjaŭlajecca źmianieńnie paradku vyznačeńnia pamieraŭ arendnaj płaty. Praduhledžana adviazvańnie arendnaj płaty ad ahulnaŭstanoŭlenaj bazavaj vieličyni i prymianieńnie śpiecyjalnaj bazavaj arendnaj vieličyni. Takaja miera nieabchodna dla niedapuščeńnia rezkaha pavieličeńnia arendnaj płaty z krasavika 2012 hoda z uviadzieńniem novaj bazavaj vieličyni, a taksama dla taho, kab zrabić arendnuju płatu pradkazalnaj», — adznačyŭ Siarhiej Piatkoŭ.
«Taksama zakanadaŭstvam ustanaŭlivajecca mahčymaść nabyćcia arandatarami, zamacoŭvajecca takaja mahčymaść, arandavanaj imi bolš jak try hady majomaści z rasterminoŭkaj płaciažoŭ», — dadaŭ jon.
