DAI abmiažoŭvaje chutkaść na MKAD da 50, u Minsku — da 40, na trasach vobłaści — da 70 km/h. «Reahienty nie pracujuć, na darozie sucelnaja hałalodzica, choć zdajecca, što asfalt suchi».
Pradprymajucca biesprecendentnyja miery: na MKAD chutkaść budzie abmiežavana 50 km/h.
Pry tempieratury pavietra nižejšaj za 20 hradusaŭ sol nie płavić lodu.
Jana prosta kryštalizujecca. Zastajecca tolki efiekt rassypanaha piasku, ale vialikahruznyja mašyny prosta ździmajuć piasok z asfaltu. «Darožniki siońnia ŭžyvajuć taki skład reahientu: 20% soli i 80% piasku, — tłumačać inśpiektary DAI. — Ale navat heta daje mały efiekt.
Pry hetym zdajecca, što daroha zvyčajnaja, pakryćcio suchoje, raźmietka bačnaja. Ale nasamreč prajeznaja častka pakryta lodam».
«Naprykład, MKAD siońnia ranicaj pasypali šeść razoŭ!» — kažuć u DAI. Usio adno heta nie praduchiliła avaryj.
Taksama składanaja situacyja skłałasia na mahistralnych vulicach — u pryvatnaści, pr. Pieramožcaŭ, u pryvatnaści.Tam taksama zarehistravana niekalki «ślizkich» avaryj.
U DAI kažuć: ciapier tolki źnižeńnie chutkaści moža praduchilić DTZ. «My zaklikajem kiroŭcaŭ, jakija zmahli zavieści mašynu, ruchacca ŭ horadzie z chutkaściu nie bolš za 30—40 km/h. A na MKAD chutkaść budzie abmiežavana 50 km/h. Na niekatorych inšych darohach Minskaj vobłaści chutkaść budzie abmiežavana da 70 km/h.
Ciapier vystaŭlajucca časavyja znaki. Ale ich, chutčej za ŭsio, nie chopić.Tamu my źviartajemsia da aŭtaamataraŭ: ruchajciesia ź minimalna mahčymaj chutkaściu dziela vašaj ža biaśpieki», — prosiać inśpiektary.
Hladzi taksama:
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»10
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary