Siamaška zaklikaje Minpram chutčej prymać rašeńnie pa stvareńni aljansu MAZa z zamiežnaj kampanijaj

Pieršy vice-premjer Uładzimir Siamaška zaklikaje Minpram chutčej prymać rašeńnie pa stvareńni aljansu MAZa z zamiežnaj kampanijaj. Pra heta jon zajaviŭ 2 lutaha na pašyranym pasiadžeńni kalehii Minprama, paviedamiła pres-słužba ŭrada.

Siamaška adznačyŭ, što ŭžo hod jak iduć pieramovy pamiž AAT «MAZ» i AAT «KamAZ» ab stvareńni chołdynhu. «Prajekt niaprosty, składana prymać rašeńni, ale treba prypłyvać da niejkaha bieraha», — ličyć pieršy namieśnik prem'jer-ministra.

Pavodle jaho słoŭ, MAZu składana budzie ŭ dalejšym pracavać na źniešnim rynku ŭ adzinočku. MAZ vyrablaje ŭ hod kala 25 tys. aŭtamabilaŭ. Ale taki abjom nie robić jaho hulcom na źniešnim rynku, ličyć Siamaška.

Prykładam bujnych biełaruskich pramysłovych hulcoŭ na suśvietnym rynku možna ličyć «Biełaruśkalij», BiełAZ, MTZ.

«Ale MAZ pakul nie daciahvaje pa abjomach, tamu i treba šukać aljans», — ličyć pieršy vice-premjer.

* * *

Nahadajem, 18 listapada 2011 hoda na sustrečy z pracoŭnym kalektyvam AAT «MAZ» prem'jer-ministr Biełarusi Michaił Miaśnikovič zajaviŭ, što kančatkova rašeńnie ab stvareńni chołdynhu na bazie MAZa i KamAZa jašče nie pryniata.

Miaśnikovič padkreśliŭ, što ŭrad Biełarusi nie pojdzie na paharšeńnie stanu MAZa. «Havorka idzie ab tym, kab uzajemna dapaŭniać adzin adnaho, atrymlivać vialiki prybytak i vieści ŭzhodnieny prodaž techniki, nie pierabiahajučy adzin adnamu darohu, a ŭzhodniena pracujučy na źniešnim rynku», — skazaŭ kiraŭnik urada.

Raniej hiendyrektar KamAZa Siarhiej Kahohin zajaŭlaŭ, što kampanija raźličvaje da kanca 2011 hoda «zakryć ździełku» pa stvareńni chołdynhu ź Minskim aŭtamabilnym zavodam.

Dziaržkarparacyja «Rastechnałohii», jakaja vałodaje 49,9% akcyj KamAZa, zimoj prapanavała abjadnać KamAZ i MAZ. Siamaška ŭ pačatku leta 2011 hoda paviedamiŭ, što prajekty dakumientaŭ pa stvareńni chołdynhu z udziełam KamAZa i MAZa płanujecca padrychtavać da kanca hoda. Adnak užo ŭ kancy červienia kiraŭnik «Rastechnałohij» zajaviŭ, što pieramovy zaciahvajucca pa palityčnych pryčynach.

Pieršapačatkova baki razhladali abmien akcyjami KamAZa i MAZa ŭ miežach abjadnańnia dźviuch kampanij, ale biełaruskija ŭłady admovilisia ad hetaha varyjantu. Zatym było prapanavana stvaryć SP, u jakoje buduć uniesieny 49,9% akcyj KamAZa i 49,9% akcyj MAZa, a taksama šerahu pradpryjemstvaŭ, jakija vyrablajuć aŭtakamplektujučyja jak u Rasii, tak i ŭ Biełarusi. Kiraŭnik «Rastechnałohij» Siarhiej Čemiezaŭ adznačaŭ, što pakiet akcyj KamAZa abjektyŭna značna daražejšy, čym anałahičny pakiet MAZa. Pavodle słoŭ Čemiezava, paśla praviadzieńnia acenki stanie zrazumieła, jakija pradpryjemstvy ŭvojduć u SP.

Akramia taho, na supracoŭnictva z MAZam pretenduje rasijski mašynabudaŭničy chołdynh «Ruskija mašyny», asnoŭny akcyjanier «Hrupy HAZ». Hiendyrektar «Ruskich mašyn» Alaksandr Fiłataŭ zajaŭlaŭ, što karparacyja bačyć «surjoznuju sinierhiju ad supracoŭnictva z MAZam». Tak, baki razhladajuć mahčymaści pieradačy ŭ kiravańnie «Hrupie HAZ» Minskaha aŭtazavoda, kupli minarytarnych pakietaŭ ci inviestycyjnych pakietaŭ.

Michaił Miaśnikovič u žniŭni minułaha hoda zajaŭlaŭ, što ličyć bolš pieravažnym varyjant stvareńnia chołdynhu MAZa z «Rastechnałohijami», a nie z «Ruskimi mašynami».

• 0
• 0
• 0
• 0
• 0
• 0
• 0
• 0