U Biarozaŭskim rajonie traktar sutyknuŭsia ź ciahnikom — traktaryst zahinuŭ +fota
Transpartnaja milicyja aktyvizuje pracu pa prafiłaktycy DTZ na čyhunačnych pierajezdach.
U metach papiaredžańnia darožna-transpartnych zdareńniaŭ na čyhunačnych pierajezdach supracoŭniki transpartnaj milicyi sumiesna ź inśpiektarami padraździaleńniaŭ DAI z 4 pa 26 lutaha praviaduć adpracoŭku čyhunačnych pierajezdaŭ, nakiravanuju na papiaredžańnie parušeńniaŭ vadzicielami transpartnych srodkaŭ praviłaŭ prajezdu čyhunačnych pierajezdaŭ. Ab hetym BiełaPAN paviedamiŭ pres-sakratar upraŭleńnia ŭnutranych spraŭ na transparcie MUS Alaksandr Marčanka.
3 lutaha ŭ 14.35 na čyhunačnym pierajeździe aŭtadarohi Stoŭbcy — Ivacevičy — Kobryn pablizu vioski Marmožava 48-hadovy žychar Biarozy, kirujučy traktaram «MTZ-82», vyjechaŭ na pierajezd na zabaranialny śvietłavy i hukavy sihnały śviatłafora, dzie sutyknuŭsia z elektraciahnikom maršrutam Brest — Minsk. U vyniku sutyknieńnia scepku traktara z pryčepam razarvała. Traktar adkinuła, a pryčep elektryčka praciahnuła jašče kala 500 mietraŭ, paśla čaho syšła z rejek. U elektraciahniku paciarpiełych niama, traktaryst zahinuŭ. Zatrymka ŭ ruchu ciahnikoŭ skłała 1 hadzinu 5 chvilin. Pa hetym fakcie pravodzicca pravierka. Ustanoŭlena, što sihnalizacyja ŭ momant avaryi była ŭ spraŭnym stanie.
Va UUST MUS paviedamili, što z pačatku hoda na čyhunačnych pierajezdach adbyłosia 9 DTZ (za anałahičny pieryjad 2011 hoda — try), u vyniku jakich zahinuli try čałavieki i stolki ž atrymali traŭmy roznaj stupieni ciažkaści (za anałahičny pieryjad 2011 hoda traŭmavany adzin čałaviek).
Adzinaj pryčynaj avaryj z udziełam transpartnych srodkaŭ i ciahnikoŭ u transpartnaj milicyi nazyvajuć nievykanańnie Praviłaŭ darožnaha ruchu vadzicielami aŭtamabilaŭ.
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»10
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary