Kryminalnaja sprava za kradziež raspačata ŭ Minsku ŭ dačynieńni da28-hadovaha indyvidualnaha pradprymalnika.
Jak paviedamili ŭ adździele infarmacyi i hramadskich suviaziaŭ HUUS Minharvykankama, biźniesmien, ažyćciaŭlajučy pieravozki pradukcyi pa mahazinach horada na asabistym aŭtamabili, supracoŭničaŭ z harmałzavodam amal dva hady. Za hety čas małady čałaviek u dastatkovaj miery vyvučyŭ asablivaści afarmleńnia i atrymańnia tavaru, pry hetym źviarnuŭ uvahu, što inšy raz padčas zahruzki na składzie jon zastavaŭsia ŭ poŭnaj adzinocie.
Niekalki dzion tamu, zahružajučy tavar, pradprymalnik znoŭ zastaŭsia na składzie adzin.
Skarystaŭšy situacyju, jon schavaŭ u zahadzia abstalavanym u hruzavym adsieku aŭtamašyny tajniku čatyry karobki tvarahu, piać karobak hłazuravanych syrkoŭ i dźvie karobki tvarožnaha desiertu.Adnak vyvieźci hruz za terytoryju zavoda nie ŭdałosia. Na prapusknym punkcie supracoŭniki słužby biaśpieki pradpryjemstva, ahladajučy aŭtamabil, znajšli tajnik.
Suma skradzienaha skłała kala 1,5 młn. rubloŭ.Zatrymany nastojvaje, što nie płanavaŭ realizoŭvać kradzienaje, a źbiraŭsia vykarystać jaho ŭ asabistych metach, heta značyć źjeści.
0
0
0
0
0
0
