Dziaržsłužačym dazvolać redahavać dakumienty na smartfonach i płanšetach
U Biełarusi płanujecca realizavać mahčymaść udalonaj pracy dziaržsłužačych sa słužbovymi dakumientami, paviedamiŭ namieśnik ministra suviazi i infarmatyzacyi Mikałaj Strukaŭ.
Dziaržsłužačy zmoža atrymać dostup da dakumientaŭ z dapamohaj noŭtbuka, płanšeta abo smartfona, aznajomicca ź imi, pastavić svoj elektronny ličbavy podpis i h.d. «My ŭžo praviali vyprabavańni: technična ŭsio pracuje. Praŭda, pakul nie ŭ poŭnaj miery vyrašana pytańnie biaśpieki infarmacyi. Zaraz jano aktyŭna prapracoŭvajecca», — padkreśliŭ namieśnik ministra.
Surazmoŭca udakładniŭ, što dla vyprabavańniaŭ byli abranyja technałohii biespravadnoha šyrokapałosnaha dostupu (3G), jakija dazvalajuć pradstavić udalony dostup da nieabchodnych dakumientaŭ. Razam z tym heta možna budzie realizavać i z vykarystańniem inšych technałohij.
«Za košt realizacyi hetaha prajekta vajenny abo dypłamat zmoža za miažoj pracavać z dakumientami, stvoranymi ŭ Biełarusi i pryznačanymi dla słužbovaha karystańnia», — padkreśliŭ Mikałaj Strukaŭ.
Ciapier čytajuć
Kolki biełarusaŭ hałasavała za Łukašenku na raniejšych vybarach? Apublikavanyja zakrytyja ličby dziaržaŭnych apytańniaŭ15
Kolki biełarusaŭ hałasavała za Łukašenku na raniejšych vybarach? Apublikavanyja zakrytyja ličby dziaržaŭnych apytańniaŭ
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1010
Kamientary