Lidar Litesound Dźmitryj Karakin aburany vynikami «Jeŭrafestu»: «Kryŭdna, što ŭ nas usio robicca praz hrošy i seks».
«Vyjaviłasia, što majo abureńnie było całkam apraŭdanym, — skazaŭ muzyka ŭ intervju «Biełaruskim navinam». —
Z troch vielmi nadziejnych krynic — ad ludziej, jakija znachodzilisia ŭ centry padziej — ja daviedaŭsia, što my pieramahli i pa hladackim hałasavańni, i pa hałasavańni žury. U nas byŭ 101 bał, u Łanskoj — 96».
Dźmitryj Karakin źviarnuŭ uvahu na vialikuju padtrymku jaho hurtu z boku hledačoŭ, jakaja skandavała «Litesound» i padčas abviaščeńnia vynikaŭ konkursu, i navat paśla šou — u harderobie.
«Kali b Łanskuju, jak nas, padtrymlivała zała, ja b nie adčuvaŭ takoj niespraviadlivaści.
Publika była aburanaja, zasmučanaja, my bačyli ślozy na vačach u ludziej —
i zusim nie ad ščaścia za pieramohu Łanskoj «, — raspavioŭ lidar Litesound.
Jon taksama adznačyŭ, što, niahledziačy na administratyŭnyja sposaby prasoŭvańnia Alony Łanskoj, padtrymka publiki ŭsio ž usialała ŭ chłopcaŭ nadzieju na ŭłasnuju pieramohu.
«Kryŭdna, što ŭ nas usio robicca praz hrošy, seks i ŭsio takoje.
Moža być, tak va ŭsim śviecie, i heta narmalna, ale kali heta robicca nastolki vidavočna, stanovicca ahidna, — aburajecca Karakin. —
Na miescy Łanskoj, jakaja bačyła, jak nas padtrymlivali hledačy, ja b admoviŭsia na karyść Litesound,
kab nie adčuvać hetaj hańby».
Pa słovach lidera hurta Litesound, paśla abviaščeńnia vynikaŭ za kulisami hrupu padtrymali inšyja finalisty konkursu, jakim taksama «było kryŭdna».
«Jany razumieli, chto takaja Łanskaja. U čałavieka jość usie pryvilei, jana moža zajazdžać za šłahbaŭm na «Miersedesie», choć astatnija iduć pieški,
tamu što nie mohuć pastavić mašynu pobač z Pałacam sportu. Usio heta adčuvajecca ŭ drobiaziach. Usie razumieli, što jana pieramahła niesumlenna», — adznačyŭ Karakin.
Razumieje i padtrymlivaje Dźmitryj i reakcyju Hiuneš, jakaja zusim nie vyjšła na scenu: «Jana zrabiła hetak ža, jak i ja, bo
niemahčyma było znachodzicca na scenie i zhadžacca z falsifikavanymi vynikami».
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary