Лідар Litesound Дзмітрый Каракін абураны вынікамі «Еўрафэсту»: «Крыўдна, што ў нас усё робіцца праз грошы і сэкс».
«Выявілася, што маё абурэнне было цалкам апраўданым, — сказаў музыка ў інтэрв’ю «Беларускім навінам». —
З трох вельмі надзейных крыніц — ад людзей, якія знаходзіліся ў цэнтры падзей — я даведаўся, што мы перамаглі і па глядацкім галасаванні, і па галасаванні журы. У нас быў 101 бал, у Ланской — 96».
Дзмітрый Каракін звярнуў увагу на вялікую падтрымку яго гурту з боку гледачоў, якая скандавала «Litesound» і падчас абвяшчэння вынікаў конкурсу, і нават пасля шоу — у гардэробе.
«Калі б Ланскую, як нас, падтрымлівала зала, я б не адчуваў такой несправядлівасці.
Публіка была абураная, засмучаная, мы бачылі слёзы на вачах у людзей —
і зусім не ад шчасця за перамогу Ланской «, — распавёў лідар Litesound.
Ён таксама адзначыў, што, нягледзячы на адміністратыўныя спосабы прасоўвання Алёны Ланской, падтрымка публікі ўсё ж усяляла ў хлопцаў надзею на ўласную перамогу.
«Крыўдна, што ў нас усё робіцца праз грошы, сэкс і ўсё такое.
Можа быць, так ва ўсім свеце, і гэта нармальна, але калі гэта робіцца настолькі відавочна, становіцца агідна, — абураецца Каракін. —
На месцы Ланской, якая бачыла, як нас падтрымлівалі гледачы, я б адмовіўся на карысць Litesound,
каб не адчуваць гэтай ганьбы».
Па словах лідэра гурта Litesound, пасля абвяшчэння вынікаў за кулісамі групу падтрымалі іншыя фіналісты конкурсу, якім таксама «было крыўдна».
«Яны разумелі, хто такая Ланская. У чалавека ёсць усе прывілеі, яна можа заязджаць за шлагбаўм на «Мерсэдэсе», хоць астатнія ідуць пешкі,
таму што не могуць паставіць машыну побач з Палацам спорту. Усё гэта адчуваецца ў дробязях. Усе разумелі, што яна перамагла несумленна», — адзначыў Каракін.
Разумее і падтрымлівае Дзмітрый і рэакцыю Гюнэш, якая зусім не выйшла на сцэну: «Яна зрабіла гэтак жа, як і я, бо
немагчыма было знаходзіцца на сцэне і згаджацца з фальсіфікаванымі вынікамі».
Цяпер чытаюць
Студэнтак беларускіх ВНУ абавязалі тэрмінова запоўніць анкету з пазначэннем свайго росту74
Каментары