Žurnalista radyjo «Racyja» Alaksandra Jaraševiča, zatrymanaha barysaŭskaj milicyjaj, adpuścili z pastarunka.
Alaksandr Jaraševič rychtavaŭ repartaž ab prateście pracoŭnych na BATE. Padčas zatrymańnia jon pradstaviŭ milicyjantam žurnalisckaje paśviedčańnie, ale im hetaha było niedastatkova — pašparta ŭ Alaksandra z saboj nie było. Tamu vyśviatlać asobu karespandenta pavieźli ŭ Barysaŭski RAUS.
— Pravieryli majo paśviedčańnie, niekudy telefanavali, vyśviatlali, ci sapraŭdy ja źjaŭlajusia supracoŭnikam radyjo «Racyja», taksama ŭ mianie z saboj było paśviedčańnie inšaha infarmacyjnaha ahienstva. Telefanavali da dyrektara, kazali, što mianie mohuć vyklikać u Barysaŭski rajvykankam, pakolki ja parušaju zakon, to bok zajmajusia žurnalisckaj dziejnaściu biez paśviedčańnia, pry tym, što ŭ mianie było ich až dva.
Karespandenta pratrymali ŭ Barysaŭskim RAUS 2,5 hadziny.
