Aleh Mielnikaŭ padkreśliŭ, što «plan mierapryjemstvaŭ pa stabilizacyi sytuacyi na ŭnutranym valutnym rynku i dasiahnieńni dadatnaha salda zamiežnaha handlu Biełarusi na 2007 hod ujaŭlaje saboj papiarednija nakidy».
Pastupleńni ŭ biudžet u 2007 hodzie ad vykarystańnia dziaržaŭnaj majomaści, u tym liku dyvidendaŭ, a taksama prybytak ad prodažu akcyj i nieruchomaj majomaści płanujucca na ŭzroŭni kala Br1 trłn. Ab hetym paviedamiŭ siońnia namieśnik ministra ekanomiki Aleh Mielnikaŭ, adkazvajučy na pytańni žurnalistaŭ.
Pry hetym jon admoviŭsia kamienciravać pytańnie mahčymaha akcyjaniravańnia šeraha stratehičnych pradpryjemstvaŭ Biełarusi. «Dla stvareńnia akcyjaniernaha tavarystva na bazie dziaržpradpryjemstva pavinna być pryniata peŭnaje rašeńnie i vyznačany terminy. Jość zakon ab pryvatyzacyi, dzie ahavorany ŭsie hetyja pytańni», — adznačyŭ namieśnik ministra.
Adkazvajučy na pytańnie, ci budzie addavacca pieravaha inviestaram jakoj‑niebudź krainy pry prodažy aktyvaŭ, Aleh Mielnikaŭ paviedamiŭ: «U adpaviednaści z zakonam niama pieravah, jość šerah narmatyŭnych aktaŭ, jakija havorać ab praviadzieńni konkursaŭ i aŭkcyjonaŭ».
Što datyčycca AAT «Biełtranshaz», to ciapier «idzie vyrašeńnie čysta techničnych pytańniaŭ, źviazanych z zaklučeńniem dahavora kupli‑prodažu akcyj hetaha pradpryjemstva, i da 1 lipienia dahavor pavinien być zaklučany», kanstatavaŭ namieśnik ministra.
Aleh Mielnikaŭ taksama padkreśliŭ, što płan mierapryjemstvaŭ pa stabilizacyi situacyi na ŭnutranym valutnym rynku i dasiahnieńniu dadatnaha salda źniešniaha handlu Biełarusi na 2007 hod «ujaŭlaje saboj papiarednija nakidy». Hety płan budzie razhladacca ŭradam u adpaviednaści ź dziejučym zakanadaŭstvam. Tady budzie prymacca adpaviednaje rašeńnie. Što datyčycca častki prodažu aktyvaŭ dziaržavy ŭ šerahu bujniejšych pradpryjemstvaŭ, to «ab hetym pakul što rana havaryć», ličyć namieśnik ministra ekanomiki. «Ale ŭ pryncypie heta narmalny praces, źviazany sa stvareńniem akcyjaniernych tavarystvaŭ — nie dziela źmianieńnia šyldy, a dziela pavyšeńnia efiektyŭnaści dziejnaści pradpryjemstvaŭ i ŭ cełym haliny», — padkreśliŭ Aleh Mielnikaŭ.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ14
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary