Nie acaniŭ
Nie prajšło i paŭhoda, jak Pavieł znoŭ pakvapiŭsia na čužoje.
Sud Vałožynskaha rajona 9 lutaha pryhavaryŭ Paŭła da adnaho hoda i šaści miesiacaŭ źniavoleńnia ŭ vychavaŭčaj kałonii. Tolki niepaŭnaletni ŭzrost chłopca pa zakonie nie dazvoliŭ sudu pryznać jaho recydyvistam, bo złačynstva navučeniec liceja ździejśniŭ, majučy nie źniatuju i nie pahašanuju sudzimaść za byłyja złačynstvy.
Pieršy raz hod źniavoleńnia Pavieł atrymaŭ 17 lipienia minułaha hoda.
Tady ŭ sudovym pracesie ŭ Vałožynie było dakazana siem epizodaŭ kradziažoŭ, jakija ździejśniŭ abvinavačany.Advakat nie pahadziŭsia z pryhavoram rajonnaha suda i nakiravaŭ u Minski abłasny sud kasacyjnuju skarhu.
Vyšejšaja sudovaja instancyja paškadavała chłopca: usio ž jašče niepaŭnaletni, napeŭna, dobra nie ŭśviedamlaje toje, što robić. U vyniku vykanańnie pakarańnia było adterminavanaje na dva hady pry ŭmovie, što asudžany budzie dobra siabie pavodzić i nie ździejśnić novaha złačynstva.
Jak było ŭstanoŭlena 9 lutaha ŭ sudzie Vałožynskaha rajona, chłopiec 3 listapada kala 16 hadzin 30 chvilin klučom, jaki znajšoŭ raniej na leśvičnaj placoŭcy internata svajho liceja, adamknuŭ dźviery ŭ błok z dvuch pakojaŭ.Pavieł nie apraŭdaŭ čakańniaŭ pravaachoŭnikaŭ.
Haspadaroŭ na miescy nie było. U šafie adnaho pakoja chłopiec znajšoŭ kurtku, a ŭ jaje kišeniach — hrošy. 16 tysiač rasijskich rubloŭ i 50 dołaraŭ ZŠA. U druhim pakoi akazaŭsia płejer z navušnikami. I hrošy, i płejer Pavieł zabraŭ sabie.
Valutu pamianiaŭ u banku na biełaruskija rubli. Atrymałasia 4 miljony 908 tysiač. Ich chapiła na dva tydni. Na kampjutarny kłub, Internet, pradukty i darahija padarunki na dzień naradžeńnia siabra. A płejer, pa słovach samoha abvinavačanaha, jaki całkam pryznaŭ svaju vinu, jon niedzie zhubiŭ. Zastalisia tolki navušniki.
17 listapada Pavieł, skarystaŭšysia tym ža klučom, znoŭ naviedaŭsia ŭ błok internata. Na hety raz haspadary akazalisia na miescy i vyklikali milicyju. Akramia pryznańnia i čystasardečnaha raskajańnia, vina chłopca paćviardžajecca pakazańniami paciarpiełych i śviedkaŭ.
Pavieł, akramia realnaha źniavoleńnia, jakoje jon atrymaŭ na hety raz, pavinien kampiensavać achviaram svajho złačynstva materyjalnuju i maralnuju škodu.
