«My patrabujem inšuju, sumlennuju ŭładu!»

22 lutaha ŭ sudzie Pieršamajskaha rajona Viciebska praciahvajecca praces nad siabram KCHP — BNF Siarhiejem Kavalenkam.

14:01

U zale: svajaki Kavalenki, palityki Juraś Bieleńki, hramadski aktyvist Siarhiej Parsiukievič, pravaabaronca Pavał Levinaŭ.

Žonka Siarhieja Alena Kavalenka pryjšła z 7-miesiačnaj dačkoj na rukach. Žonka dastała bieł-čyrvona-bieły ściah. Milicyjanty pačali vyšturchoŭvać jaje z zały. Jana kryčyć. Dzicia płača.

Ludzi adbili Alenu. Jana zastałasia ŭ zale. Jana trymaje ŭ rukach płakat «Svabody Biełarusi! Svabodu Kavalenku»

Maci Kavalenki patrabuje novaha prezidenta — «sumlennaha prezidenta i sumlennuju ŭładu. Što jany zrabili z maimi synam? Jany zabivajuć jaho!».

«Sudździa Žuk pavinna była pakłaści majho syna ŭ špital… My patrabujem inšuju, sumlennuju ŭładu!», — kryčyć jana.

Maci Siarhieja kryčyć «Zabojcy!» Milicyjaniery vyvodziać ludziej, kažuć, što sudovaje pasiadžeńnie sarvanaje. Sudździa syšła.

14.20

Major milicyi znoŭ patrabuje pakinuć zału. Pryjšoŭ śpiecnaz (20 čałaviek). Prysutnyja ŭ zale praciahvajuć kryčać. Jany nie pahadžajucca syści. Aktyŭnych dziejańniaŭ z boku milicyi pakul niama. Jany sprabujuć pierakanać ludziej.

14.26

Śpiecnaz milicyi syšoŭ z zały suda. Ludzi jamu nie padparadkavalisia. Usia milicyja syšła.

14.39

Sud pieranosicca ŭ inšuju zału – mienšuju. Usie prysutnyja ciapier tam nie źmieściacca. Tudy pieravodziać Kavalenku. Žurnalistaŭ z fota- i videaaparaturaj nie puskajuć.

Milicyja patrabuje ŭ žurnalista Bahdana Arłova vydalić zdymki pačatku pracesu, kali milicyjaniery napadali na Alenu Kavalenka.

14:48

Usie taŭkucca ŭ kalidory: kryk, ham. Usich, navat u kaho jość noŭtbuk i dyktafon (nie kažučy ŭžo pra fotakamiery), sprabujuć vyvieści naohuł z suda. Pryjechaŭ niekalki vialiki načalnik, nie pradstaviŭšysia, i sprabuje ŭsich vyhnać.

14.50

Praces adnaviŭsia biez presy. Maci Kavalenki taksama nie puścili ŭ zału.

15:15

Z zały suda vydalili baćku Kavalenki spadara Alaksandra. Kavalenka-starejšy aburyŭsia, kali sudździa začytała zaklučeńnie miedykaŭ, što stan zdaroŭja Siarhieja dazvalaje jamu ŭdzielničać u pracesie. Alaksandr Kavalenka kaža, što syn ledź havoryć i adčuvaje siabie vielmi kiepska.

Maci Kavalenki spadarynia Lidzija hrukajecca ŭ dźviery zali pasiadžeńniaŭ sa słovami: «Dajcie mnie pahladzieć na syna! Jon pamre, a ja nie pabaču». Z zały joj adkazali: «Budziem vyvadzić jaho, tady i pabačycie».

Sudździa vydaliła z zali svajačku Siarhieja Kavalenki. Jana kaža, što Kavalenka zajaviŭ chadajnictva pra špitalizacyju. Kavalenka, sa słovaŭ svajački, zajaviŭ, što choča lekavacca. Rašeńnie sudździ pakul nieviadomaje.

15:22

Maci lamantuje ŭ kalidory: «Ratujcie majho syna! Da jaho nie puskajuć miedykaŭ!» Kavalenku vyvieli z zali i niekudy paviali.

Svajaki telefanujuć na «haračuju liniju» Ministerstva achovy zdaroŭja.

Kavalenka zajaviŭ advod sudździ. U pracesie pierapynak.

15.40

Da Kavalenki dapuścili lekaraŭ. Jany ahladajuć jaho ŭ asobnaj zale.

15.59

Miedyčny ahlad skončyŭsia. Kavalenku vyvieli tak chutka, što jon ničoha nie paśpieŭ skazać.

16.03

Pa darozie z Oršy mašynu ź siabrami BCHD, jakija nakiroŭvalisia na sud da Kavalenki, spynili supracoŭniki DAI. Jany adabrali dakumienty i pratrymali aktyvistaŭ 3 hadziny. Paźniej dakumienty viarnuli, paviedamiŭ Jaŭhien Aniščanka.

16.10

Kavalenku pryjaviali ŭ zału. Praces adnaviŭsia. Sudździa adchiliła advod sabie.

16.18

Kavalenka zajaviŭ chadajnictva dałučyć u jakaści abaroncy brata Vitala. Sudździa adkłała rašeńnie, bo, kaža, čas chadajnictvaŭ nie nadyšoŭ.

16.20

Kavalenka zajaviŭ advod prakuroru, bo toj nikoli nie padtrymlivaje jahonych chadajnictvaŭ. Advakaty padtrymali. Sam prakuror — suprać. Sudździa pajšła ŭ daradčy pakoj. U sudzie karotki pierapynak.

16.33

Sudździa adchiliła advod prakuroru Łutavu jak nieabhruntavany.

16.39

Kavalenka vystupiŭ z čarhovym chadajnictvam: kab brat Vital byŭ jahonym abaroncam. Advakaty padtrymali. Prakuror skazaŭ, što jon suprać. Prakuror kaža, što Vitala dapytvali jak śviedku ŭ časie papiaredniaha śledctva, i jon nie moža być abaroncam. Vital admoviŭsia davać pakazańni, spasłaŭšysia na prava nie śviedčyć suprać brata. Sudździa pajšła ŭ daradčy pakoj. U pracesie pierapynak.

16.58

Praces adnoŭleny. Sudździa adchiliła chadajnictva, kab brat Vital staŭ abaroncam, bo jaho dapytvali jak śviedku, i jaho vyklikali śviedkam u sud. U zale źmiaścilisia 16 čałaviek. Ź ich šaściora — pieraapranutyja milicyjanty. Svajakoŭ Kavalenki ŭ zale niama. Siarhiej havoryć vielmi cicha, błytajecca u słovach. Sudździa paŭtaraje jamu pytańni pa 2--3 razy. Siarhiej kaža, što jon kiepska čuje i bačyć, i što jamu błaha, što pierad vačyma bačyć kropki, što jon dalej trymaje haładoŭku i nie pje.

17.00

Pierapynak da 10:30 23 lutaha. Kali Kavalenku vyvodzili, jon paśpieŭ kryknuć: «Rabicie akcyi pad bieł-čyrvona-biełymi ściahami!».

• 0
• 0
• 0
• 0
• 0
• 0
• 0
• 0