23 lutaha ŭ Homieli zatrymany try aktyvisty kaalicyi «Naša alternatyva», jakija mieli namier pravieści čarhovuju infarmacyjnuju akcyju ŭ miežach hramadskaj kampanii «Chopić pić — treba žyć!».
U 12.20 kala ŭniviermaha «Homiel» aktyvisty pačali razdavać prachožym infarmacyjnyja materyjały z zaklikam «Chopić pić — čas siamju karmić i krainu baranić!», a taksama vinšavańni z Dniom abaroncaŭ Ajčyny.
Va ŭlotcy źmiaščałasia infarmacyja pra škodu ałkaholu, pra toje, što pjanyja ludzi nie mohuć być abaroncami, a, naadvarot, sami znachodziacca na miažy biedstva. «Abaronca Ajčyny, źviarni svoj pozirk na hałoŭnaha voraha, jaki paražaje naša hramadstva znutry. Abarani dziaciej i ich budučyniu ad atruty, ałkahol — zbroja hienacydu!» — skazana va ŭlotcy.
PrazNie nazvaŭšy siabie i nie rastłumačyŭšy pryčyny svaich dziejańniaŭ, jany zatrymali maładych ludziej i adviali ŭ nieviadomym napramku. Incydent zdymali na videakamieru nieviadomyja apieratary ŭ cyvilnym.dźvie-try chviliny da arhanizataraŭ akcyi padyšli supracoŭniki śpiecnazu.
Jašče adzin čałaviek u cyvilnym padyšoŭ da niezaležnaj žurnalistki Łarysy Ščyrakovaj i staŭ pieraškadžać pravodzić videazdymku. Paśla taho jak u kanflikt umiašalisia kalehi žurnalistki, nieviadomy rastłumačyŭ svaje dziejańni žadańniem «paznajomicca z pryhožaj dziaŭčynaj» i pajšoŭ.
Zatrymanyja zaraz znachodziacca ŭ Centralnym RAUS, viadziecca razbor. «Milicyja i ŭłady — suprać antyałkaholnaj kampanii, heta značyć jany za toje, kab ludzi śpivalisia, — prakamientavaŭ BiełaPAN situacyju pa telefonie adzin z zatrymanych, Kanstancin Žukoŭski. — Dyj sami jany, napeŭna, niamała ŭžyvajuć, voś im i nie spadabałasia naša akcyja. Na nas składajuć raparty, vierahodna, za raspaŭsiudžvańnie ŭlotak».
Razam z Žukoŭskim u adździele milicyi znachodziacca Dźmitryj Karaškoŭ i Andrej Papoŭ.
Kampanija «Chopić pić — treba žyć!» startavała ŭ Homieli ŭ kancy studzienia. Jaje arhanizatary raźmiaščajuć u ludnych miescach horada, na prypynkach hramadskaha transpartu, a taksama razdajuć prachožym drukavanyja infarmacyjnyja materyjały pra škodu pjanstva. Pavodle mierkavańnia inicyjataraŭ kampanii, apatyja i biezynicijatyŭnaść hramadstva niepasredna źviazana z masavym pjanstvam.
