Avaryja zdaryłasia ŭ Miorskim rajonie, niedaloka ad vioski Novy Pahost.
Kala 19:00 23 lutaha pad koły małakavoza trapiła žančyna. Niaščasnaja zahinuła na miescy, pa słovach vidavočcaŭ, jaje litaralna razmazała pa darozie.
Kiroŭca ž, źbiŭšy čałavieka, źjechaŭ ź miesca zdareńnia.
Zatrymali jaho na nastupny dzień, na terytoryi adnaho z pradpryjemstvaŭ Vierchniadźvinskaha rajona, kudy mužčyna jechaŭ u słužbovuju kamandziroŭku.
«Pa słovach kiroŭcy, jon źjechaŭ ź miesca zdareńnia tamu, što nie zrazumieŭ, što ździejśniŭ najezd na čałavieka, — raspaviała hałoŭny inśpiektar hrupy infarmacyi i suviazi z hramadskaściu ŭpraŭleńnia Śledčaha kamiteta pa Viciebskaj vobłaści Ina Harbačova.
Mužčyna śćviardžaje, što pryniaŭ žančynu za śniežny kom i vyrašyŭ puścić jaho pamiž kołaŭ. Udaru ŭ momant najezdu na čałavieka, pa jaho słovach, jon nie adčuŭ.
Jak raspaviała inśpiektar adździeła ahitacyi i prapahandy UDAI UUS Viciebskaha abłvykankama Taćciana Ziańkova, pa papiarednich źviestkach,
34-hadovaja žančyna išła pa krai prajeznaj častki i była paznačanaja flikieram.
Kryminalnaja sprava ŭ dačynieńni da kiroŭcy zaviedziena pa č.2 art.317 Kryminalnaha kodeksa RB.
Anałahičny vypadak adbyŭsia ŭ Homieli. Tam ź miesca DTZ źjechaŭ kiroŭca školnaha aŭtobusa, jaki najechaŭ na piensijaniera. Na ščaście, piensijanier zastaŭsia žyvy, ale špitalizavany z traŭmami.
Ciapier čytajuć
Jamu vybili čatyry zuby, a paśla vykinuli z krainy. Ciapier byłoha palitviaźnia aryštavali ŭ Łatvii z šaściu mihrantami ŭ mašynie13
Kamientary