Biełaruska z zarobkam 2 500 BYN padarožničaje dvojčy na hod i ŭžo naviedała 34 krainy
Jość mierkavańnie, što častyja padarožžy na dalokija adlehłaści — pryvilej ajcišnikaŭ abo top-mieniedžaraŭ z dachodami ad niekalkich tysiač dalaraŭ. 33‑hadovaja minčanka Valeryja dakazvaje advarotnaje. Pracuje dziaŭčyna nie ŭ IT, ale padarožničaje jak minimum dva razy na hod, pryčym vybiraje niezaciahanyja i dalokija kirunki. Vjetnam i Małajzija, Saudaŭskaja Aravija i Bachrejn, Aman i Kambodža — usiaho ŭ jaje śpisie ŭžo 34 krainy i amal dźvie sotni haradoŭ, piša Myfin.by.
Upieršyniu za miažu Lera pajechała ŭ 23 hady — i adrazu ŭciahnułasia. Pra toje, jak spłanavać maršruty na dva hady napierad, navošta šukać čaćviortaha spadarožnika ŭ instahramie i čamu chosteł z basiejnam za try dalary — heta realnaść, dziaŭčyna raskazała žurnalistu Myfin.by.
«Zakuplajusia na Ždanovičach i adkładvaju 40% dachodu»
«Zarobak u čałavieka, jaki padarožničaje dva razy na hod, nie pavinien być kaśmičnym. Na svaim niadaŭnim miescy pracy ja zarablała 2 500 rubloŭ».
Sakret Lery ŭ śviadomym spažyvańni i finansavaj piśmiennaści. Jana nie lubić tracić hrošy na dastaŭki, taksi i niepatrebnyja drobiazi. Doŭha nosić rečy, addaje pieravahu ich ramontu, a nie vykidańniu. Heta i ekanomna, i ekałahična.
«Ja mahu vyčapić štości cikavaje ŭ sekand-chendzie abo zakupicca na «Ždanovičy-fashion». Plus zaraz ja žyvu z baćkami i skidvajusia tolki na kamunałku. Jak tolki prychodzić zarobak, kala 40% ja adrazu pieravodžu ŭ valutu i adkładvaju ŭ trevieł-fond. Nu i prosta piśmienna sumiaščaju dziaržśviaty, «doŭhija vychadnyja» i dva adpačynki na hod».
Padarožničaje Valeryja čaściej za ŭsio pa biaźvizavych krainach. Zvyčajna ŭ jaje biahučy hod i nastupny ŭžo całkam raśpisanyja. Jana padpisanaja na dziasiatki trevieł-čataŭ sa źnižkami i rassyłkami avijakampanij. Pra svoj hrafik infarmuje naohuł usich znajomych: kali chtości zachoča dałučycca, jany viedajuć daty za paŭhoda. Vylety Valeryja čaściej za ŭsio šukaje z Maskvy — tak tańniej. Naprykład, u 2024 hodzie jaje samym biudžetnym pieralotam staŭ rejs Maskva — Biškiek miascovymi avijalinijami ŭsiaho za $130 u adzin bok.
«Aščadžu na hateli, ale vaźmu kłasnyja ekskursii»
Časam navat u idealnaha płaniroŭščyka ŭsio idzie nie pa hrafiku. U adzin z adpačynkaŭ Valeryja ź siabroŭkami pavinna była lacieć na Kubu. Dziaŭčaty kupili hatovyja tury — na toj kirunak tak vychodziła tańniej. Ale ŭmiašaŭsia fors-mažor.
«Na Kubie pačalisia prablemy ź bienzinam, praz što stali masava admianiacca tury. Zastavałasia roŭna try tydni, kab prydumać novuju pajezdku z nula. Tak u našym płanie ŭźnikła Kambodža».
U vyniku 12 dzion u Kambodžy abyšlisia Valeryi i jaje spadarožnicam pryblizna pa $1800 na čałavieka. Ź ich $850 pajšło na kvitki, a $30 — na vizu.
«Ceny ŭ Kambodžy prosta supierskija. U horadzie Sijemreap my zareziervavali žanočy numar na čatyroch u chostele z basiejnam. U vyniku ŭ pakoi my žyli ŭtroch, a za dźvie nočy pražyvańnia kožnaja zapłaciła pa $6».
Dziaŭčyna pryznajecca: jana śviadoma vybiraje stratehiju «tanny načleh — darahija ŭražańni».
«Ja lepš aščadžu na hateli, ale vaźmu kłasnyja ekskursii. Addaju pieravahu tamu, kab najmać indyvidualnaha hida na mašynie. Pošuk spadarožnikaŭ — heta taksama častka raźliku. Adnoj jeździć doraha, idealna ŭčatyroch.
U 2019 hodzie ja paklikała ŭ Sierbiju svaju najlepšuju siabroŭku Julu, z tych časoŭ my katajemsia razam. Paźniej na sajcie machniem.ru znajšła Volhu ź Minska — jana stała našaj treciaj spadarožnicaj. A čaćviortaha čałavieka biarom «zboku»: šukajem siarod znajomych i ŭ Instagram.
Vydatki na indyvidualnyja ekskursii i hidaŭ dzielacca na ŭsich i pierastajuć pałochać. U Amanie, naprykład, dvuchdzionnaja ekskursija abyšłasia na $100 na čałavieka, a za asabistaha hida pa chramach Anhkor-Vat u Kambodžy addali pa $57».
Kyrhyzstan — top-1 u rejtynhu ekanomii i dušeŭnaści
Valeryja skončyła linhvistyčny ŭniviersitet, svabodna vałodaje anhlijskaj, ale mienavita SND, ličyć jana, idealny start dla biudžetnaha turysta — usie razumiejuć ruskuju movu, nie treba dumać pra vizy. Top-1 u jaje asabistym rejtynhu ekanomii i dušeŭnaści zajmaje Kyrhyzstan.
«Pryhožaja kraina va ŭsim: ludzi, pryroda, kuchnia. My brali hrupavyja ekskursii amal kožny dzień usiaho pa $10. A smačna i sytna paabiedać tam možna litaralna za paru dalaraŭ».
Samym darahim padarožžam u bijahrafii minčanki stała Manholija. Pieralot rasijskimi avijalinijami kaštavaŭ $890, a za 7 dzion pasłuh hida addali jašče $700 z čałavieka — pa-inšamu ŭ stepach biez daroh i pravadnika niemahčyma.
«U Manholii ja pakinuła šmat hrošaj na suvieniry, razumiejučy, što naŭrad ci tudy viarnusia. Ale ja kuplaju tolki karysnyja rečy: kufli, majki, škarpetki abo miascovuju ježu. Nijakich mahnitaŭ».
Paspaborničać u darahoŭli z Manholijaj mahła b Saudaŭskaja Aravija, dzie adna tolki viza kaštuje $450. Ale tudy Valeryja lotała ŭ praciahłuju kamandziroŭku: žytło i tranśfier apłaciła kampanija. Čas pajezdki prypaŭ na Ramadan, pracy stała mienš, tamu ŭdałosia prajechać pa krainie. Tym nie mienš za 2,5 miesiaca dziaŭčyna patraciła $1200 asabistych hrošaj vyklučna na ježu i pajezdki ŭ susiednija harady.
Pajezdku ŭ Kazachstan taksama biudžetnaj nie nazavieš: na 14 dzion adpačynku pajšło $2089 na čałavieka. Dziaŭčaty naviedali try harady: Astanu, Aktau kala Kaśpijskaha mora i Ałmaty, a hałoŭnym udaram pa kašalku stała pajezdka ŭ step. Try dni ŭ namiotach kaštavali $500.
«Samyja darahija ekskursii byli ŭ Amanie — tam adzin dzień kaštavaŭ 70 reałaŭ (amal $180). Ale nievierahodna pašancavała z hidam: žančyna była nastolki haścinnaj, što biaspłatna pasialiła mianie ŭ siabie doma, hatavała, myła i padaryła jašče adzin dzień ekskursij ad siabie».
U Kyrhyzstanie Lera sa spadarožnicaj zatrymalisia na ekskursii: aŭtobus pajechaŭ u horad, a mabilny ŭ hida razradziŭsia. Daviałosia stukacca ŭ pieršy dom, jaki trapiŭsia, kab paprasić zaradku.
«Haspadar doma, daviedaŭšysia, što ja ź Biełarusi, pryjšoŭ u zachapleńnie. Tut ža naliŭ čarku, pačastavaŭ płovam, dastaŭ proćmu łasunkaŭ. Potym paklikaŭ siabroŭ, prybiehli dzieci — usie chacieli sa mnoj sfatahrafavacca. U vyniku my prasiedzieli ŭ haściach amal dźvie hadziny».
Pabočny efiekt častych pajezdak
Pieramiaščajecca ŭnutry krain dziaŭčyna hramadskim transpartam. Pierajezd z Sałały ŭ stalicu Amana Maskat zaniaŭ 12 hadzin, ale abyšoŭsia ŭsiaho 4 reały (kala $10) u kamfortnym paŭpustym aŭtobusie z kandycyjanieram i vajfajem. Va Uźbiekistanie Valeryja taksama admoviłasia ad samalotaŭ, abjechaŭšy ŭsiu krainu na miascovych ciahnikach i aŭtobusach.
U ježy ŭ minčanki svaje praviły: jana lubić kaštavać novaje, ale toje, što niepryjemnaje na vyhlad, jeści nie stanie. U Tajłandzie abyšła bokam smažanych tarakanaŭ, a samym ahidnym na smak paličyła duryjan.
«Zatoje ŭ Manholii ja piła małako śvińni. Praŭda, jano było nie miascovym, jaho pryvieźli z Paŭdniovaj Karei. Na smak — jak zvyčajnaje małako, mocna razbaŭlenaje vadoj. Jašče paspytała akułu, viarbluda i kaninu».
U častych pajezdak jość pabočny efiekt: z časam pryhažość novych miescaŭ pačynaje pryjadacca.
«Da azijackaj i ŭschodniaj kultury chutka zvykaješ, kali krainy iduć adna za adnoj. Paśla Tajłanda tyja ž Vjetnam i Kambodža padalisia mnie zanadta padobnymi. Tamu maja parada — abaviazkova raźbivać kirunki. Źlotali ŭ Tajłand? U Kambodžu lacicie tolki praz paru hadoŭ. Zaraz ja viarnułasia z Kazachstana, a značyć, u Tadžykistan palaču hady praz dva, kab nie zmazać uražańni».
Z saboj — čamadan sukienak
Składanaści ŭ darozie taksama byvajuć. U Kyrhyzstanie dziaŭčaty vypadkova abrali horny chajkinh «siaredniaj składanaści», jaki na praktycy byŭ najskładaniejšym. Valeryja nie zmahła praciahnuć šlach, pačałasia hornaja chvaroba.
A ŭ kańjonie Malinavaja ciaśnina ich uvohule nakryła zaleva. Zamierzłych turystak zaŭvažyŭ miascovy pastuch, paklikaŭ da siabie, naliŭ haračaj harbaty z suškami i vydaŭ kurtki. A potym, pakinuŭšy ataru aviečak u harach, viercham na kani, u supravadžeńni sabaki, asabista pravioŭ ich da finalnaha punktu maršrutu.
Pra ŭsie padarožžy Valeryja raskazvaje ŭ błohu valerieks_travel. Dla pryhožaha vizuału ŭ jaje jość łajfchak.
«U čamadanie viazu abiaremak uboraŭ, jakija zahadzia raźmierkavała pad łakacyi. Kali napieradzie pustynia, biaru zialonuju sukienku z čatyrochmietrovym šlejfam. Zvyčajna turysty arandujuć takija rečy za šalonyja hrošy, a ja sšyła za 150 rubloŭ. Tak, jana zajmaje dachalery miesca, zatoje kadry atrymlivajucca fantastyčnymi. U tropikach dobra hladziacca na fonie zielaniny aranžavyja abo ružovyja sukienki».
Nie treba čakać, pakul vy staniecie bahatymi, kab pačać padarožničać, upeŭnienaja Valeryja.
«Uražańni i ŭspaminy — heta adzinaje, na što sapraŭdy nie škada tracić hrošy. Dakładniej, nie tracić, a inviestavać. Urešcie, jakaja roźnica, kolki hadoŭ vašym krasoŭkam, kali vy špacyrujecie ŭ ich pa vułačkach Bachrejna abo Kambodžy?»
Biełaruska sabrała 1 001 kubak z 76 krain śvietu. Jaje kalekcyja kaštuje bolš za 10 000 rubloŭ
Biełarusy admovilisia ad tura za 15700 BYN i vypravilisia ŭ Kitaj samastojna. Aščadzili ŭdvaja
«Pry sustrečy jany datykajucca adno da adnaho nasami». Biełarusy patrapili na vyspu, pra jakuju mała chto čuŭ
Biełarusy dajechali aŭtastopam da Aŭstralii i raskazali, kolki patracili
Adpačynak u Vjetnamie za $500 u sutki. Biełarusy raskazali, što rasčaravała za takija hrošy
Ciapier čytajuć
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski1010
Kamientary