Kiraŭnica pradstaŭnictva Jeŭrasajuza Majra Mora pakinuła Biełaruś.Raniej ź Minska źjechaŭ pasoł Polščy Lešak Šarepka. Nahadajem, mienavita hetym dypłamatam biełaruskija ŭłady 28 lutaha rekamiendavali «vyjechać u svaje stalicy dla kansultacyj, kab davieści svajmu kiraŭnictvu ćviorduju pazicyju biełaruskaha boku ab nieprymalnaści cisku i sankcyj».
Takaja miera była pryniataja ŭ adkaz na rašeńnie Rady ES ad 27 lutaha pašyryć śpis nieŭjazdnych biełaruskich čynoŭnikaŭ, uklučyŭšy ŭ jaho jašče 21 proźvišča.
Krainy Jeŭrasajuza adreahavali na dziejańni biełaruskich uładaŭ adklikańniem pasłoŭ ź Minska. Takoje rašeńnie było pryniata ŭčora pozna ŭviečary na ekstranaj naradzie kamiteta pa palityčnych pytańniach i pytańniach biaśpieki ŭ Bruseli.
Ambasadary ŭsich krain ES u Minsku da kanca siońniašniaha dnia pavinny vyjechać ź Biełarusi. Pierad adjezdam jany praviali kansultacyi ŭ pasolstvie Francyi.
Pazicyju ES padtrymali Złučanyja Štaty Amieryki.
Dziarždep ZŠA dałučyŭsia da Jeŭrasajuzu z zaklikam da aficyjnaha Minsku «spynić padaŭleńnie hramadzianskaj supolnaści i demakratyčnaj apazicyi», —padkreśliŭ aficyjny pradstaŭnik Dziarždepu Mark Tonar.
Ciapier čytajuć
Jamu vybili čatyry zuby, a paśla vykinuli z krainy. Ciapier byłoha palitviaźnia aryštavali ŭ Łatvii z šaściu mihrantami ŭ mašynie13
Kamientary