Hienprakuratura pahražaje kryminalnymi spravami za zakliki da sankcyj
Takuju zajavu zrabiŭ načalnik upraŭleńnia pa nahladzie za vykanańniem zakanadaŭstva i zakonnaściu pravavych aktaŭ Pavał Radzivonaŭ.
Apazicyjanieram, jakija zaklikajuć da sankcyj u dačynieńni krainy, moža być abmiežavany vyjezd za miažu — taki sens zajavy, zroblenaj 1 sakavika žurnalistam načalnikam upraŭleńnia pa nahladzie za vykanańniem zakanadaŭstva i zakonnaściu pravavych aktaŭ Hienieralnaj prakuratury Biełarusi Paŭłam Radzivonavym.
Hetuju zajavu pradstaŭnika Hienprakuratury raspaŭsiudziła infarmacyjnaje ahienctva BiełTA. Niezaležnyja ŚMI na sustreču z Radzivonavym zaprošany nie byli.
«Hienieralnaja prakuratura kanstatuje, što apošnim časam my sutykajemsia z aktyvizacyjaj dziejnaści niekatorych asob, jakija zaklikajuć zamiežnyja dziaržavy i mižnarodnyja arhanizacyi da ŭviadzieńnia sankcyj u dačynieńni da Biełarusi, u tym liku sankcyj ekanamičnaha charaktaru», — cytuje Radzivonava BiełTA.
Pradstaŭnik prakuratury pryvioŭ u prykład situacyju, kali adzin z apazicyjnych lidaraŭ, «vykarystoŭvajučy pryvatny vypadak pryciahnieńnia da administracyjnaj adkaznaści za parušeńnie praviłaŭ darožnaha ruchu», zaklikaŭ adnu ź mižnarodnych arhanizacyj da ŭviadzieńnia ekanamičnych sankcyj.[Majecca na ŭvazie prafsajuzny lidar Jarašuk, jaki zaklikaŭ abaranić prava rabočych «Hranita» stvaryć niezaležny prafsajuz; u rabočaha važaka, šafiora, šustra zabrali pravy, źvinavaciŭšy ŭ parušeńni praviłaŭ darožnaha ruchu. — Red.]
«Heta ŭžo nie prosty papulizm. Hetyja dziejańni mohuć być kvalifikavanyja z punktu hledžańnia kryminalnaha prava, i orhany prakuratury robiać zachady, kab rastłumačyć hetym hramadzianam nastupstvy, jakija mohuć uźniknuć. U tym liku heta pryciahnieńnie da kryminalnaj adkaznaści», — cytuje BiełTA Radzivonava. Jon jašče raz nahadaŭ, što ŭ adnosinach da tych, chto ŭčyniŭ dziejańni
Jak paviedamlaje BiełTA, u Hienprakuratury rastłumačyli, što, kali «ad subjektaŭ haspadarańnia abo hramadzian, čyje pravy ŭ vyniku vyšejzhadanych dziejańniaŭ byli ŭščemleny, pastupiać adpaviednyja zvaroty, to źjaviacca realnyja padstavy dla raspačynańnia kryminalnych spraŭ i pryciahnieńnia pa ich u jakaści fihurantaŭ adpaviednych asob».Padstavy dla raspačynańnia spraŭ mohuć źjavicca i tady, kali ŭrad paličyć, što dziaržavie naniesieny ŭron ekanamičnaha, palityčnaha ci imidžavaha charaktaru, i źvierniecca ŭ prakuraturu z prapanovaj dać jurydyčnuju acenku dziejańniam peŭnych ludziej.
«U hetym vypadku na ich mohuć być raspaŭsiudžany ŭsie praduhledžanyja zakanadaŭstvam abmiežavańni, uklučajučy i časovuju zabaronu na vyjezd.Usie kampietentnyja orhany, u tym liku MUS i Dziaržpahrankamitet, buduć va ŭstanoŭlenym paradku prainfarmavanyja ab takim rašeńni. Akramia taho, buduć nakiravanyja adpaviednyja zapyty i da kampietentnych słužbaŭ Rasijskaj Fiederacyi ŭ miežach dvuchbakovaha ŭzajemadziejańnia», — havorycca ŭ paviedamleńni BiełTA.
Nahadajem, na fonie skandału pamiž Biełaruśsiu i ES 29 lutaha źjaviłasia infarmacyja, što ŭ śpis nievyjaznych ź Biełarusi trapiać 108 pradstaŭnikoŭ biełaruskaj apazicyi. Pry hetym biełaruskaje zakanadaŭstva nie praduhledžvaje advolnaha abmiežavańnia svabody piearsoŭvańnia.
Ciapier čytajuć
Adstaŭny padpałkoŭnik milicyi adsudziŭ kvateru ŭ svajoj dački. Hučnaja siamiejnaja historyja z Bresta7
Kamientary