U Departamiencie pa hramadzianstvie i mihracyi nie viedajuć, čamu apazicyjanieraŭ nie vypuskajuć za miažu.
Načalnik Departamienta pa hramadzianstvie i mihracyi Ministerstva ŭnutranych spraŭ Alaksiej Biahun prakamientavaŭ situacyju z «čornym śpisam».
Nahadajem, u apošnija dni
«Ja nie viedaju, chto tam im prastaŭlaŭ štampy i chto nie prapuskaŭ. U nas niama adpaviednaj infarmacyi pa hetym pytańni.Prynamsi, pa hetych faktach my nijakaj infarmacyjaj nie vałodajem», — skazaŭ Alaksiej Biahun.
Pavodle Biehuna, źviartacca pa tłumačeńni nieabchodna da tych, chto vynosiŭ rašeńnie pra abmiežavańnie prava hetych ludziej na vyjezd. A źviartacca ŭ Departamient z hetaj nahody niama sensu.
Praŭda, kudy treba pisać, Alaksiej Biahun patłumačyć nie zdoleŭ. I pryznaŭsia, što pra śpisy nievyjaznych apazicyjanieraŭ pieršy raz čuje,— paviedamlaje Jeŭraradyjo.
***
Nahadajem, što ŭčora, 11 sakavika, na pamiežnym pierachodzie ź Litvoj nie vypuścili ź Biełarusi pravaabaroncu Valancina Stefanoviča, jaki razam z žonkaj i dvuma dziećmi pa asabistych spravach kiravaŭsia ŭ Vilniu.
Na miažy jamu skazali, što vyjezd za miažu dla jaho zabaronieny, — maŭlaŭ, jahonaje proźvišča značycca ŭ bazie źviestak nievyjaznych hramadzianaŭ.
Pryčynu abmiežavańnia prava na vyjezd Valancinu Stefanoviču pamiežniki nie ŭdakładnili, paraiŭšy źviartacca ŭ adździeł mihracyi i hramadzianstva na miescy žycharstva.Pryblizna toje ž dahetul kazali palitykam Anatolu Labiedźku, Siarhieju Kalakinu, Viktaru Karniajenku.
Ciapier čytajuć
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary