Ukraina niezadavolena biełaruskimi dakumientami pa miasa-małočnaj pradukcyi

Dziaržaŭnaja vieterynarnaja i fitasanitarnaja słužba Ukrainy niezadavolena jakaściu dakumientaŭ, pradastaŭlenych Biełaruśsiu ŭ suviazi z pretenzijami da biełaruskaj pradukcyi, jakaja ŭvozicca ŭ krainu, i maje namier pravieści inśpiektavańnie zavodaŭ.

Ukraina z 1 sakavika časova prypyniła ŭvoz na svaju terytoryju ź Biełarusi žyvioł, a taksama miasnoj pradukcyi z-za apasieńnia raspaŭsiudžvańnia afrykanskaj čumy śviniej. Taksama z-za sistematyčnych parušeńniaŭ, pavodle zajavy ŭkrainskaha boku, vieterynarna-sanitarnych patrabavańniaŭ (pieravyšeńnie maksimalna dapuščalnych uzroŭniaŭ reštkaŭ vieterynarnych preparataŭ u małočnych praduktach) byŭ časova prypynieny ŭvoz biełaruskaha małaka i małočnych praduktaŭ. Ukrainski bok zajaŭlaje, što abmiežavańni źviazany nie ź jakaściu pradukcyi, a ź jaje biaśpiekaj.

Na sustrečy kiraŭnika Dziaržvietfitasłužby Ukrainy i hałoŭnaha dziaržaŭnaha vieterynarnaha inśpiektara Biełarusi Juryja Pivavarčyka, jakaja prajšła ŭ Kijevie 2–3 sakavika, biełaruski bok byŭ prainfarmavany ab vyjaŭlenych faktach. Pry hetym hałoŭnamu dziaržvietinśpiektaru Biełarusi byŭ pieradadzieny pieralik pytańniaŭ, apieratyŭny adkaz na jakija pavinien byŭ paskoryć vyrašeńnie prablemy.

«My atrymali na naš apytalnik asnoŭnuju častku dakumientaŭ — nie ŭsie. Ale pavinien skazać, što jakaść hetych dakumientaŭ žadaje być našmat lepšaj, čym jana jość na siońnia.

Zychodziačy z taho, što my siońnia vyvučajem i što my siońnia bačym, u nas budzie vielmi šmat pytańniaŭ pa hetych dakumientach»,

Pavodle jaho słoŭ, Dziaržvietfitasłužba Ukrainy płanuje na hetym tydni zakončyć apracoŭku padadzienych Biełaruśsiu dakumientaŭ. «Na hetym tydni zakončym apracoŭku dakumientaŭ, jakija my atrymali, i budziem pravodzić inśpiektavańnie i toje, što nam niezrazumieła ŭ pracesie vyvučeńnia dakumientaŭ, budziem vyśviatlać», — dadaŭ Bisiuk.

Pry hetym jon adznačyŭ, što nie bačyć pryčyn dla ŭviadzieńnia Biełaruśsiu zabarony na ekspart ukrainskaj pradukcyi. Pavodle słoŭ kiraŭnika viedamstva, Ukraina, uvodziačy časovuju zabaronu, dziejničała vyklučna ŭ ramkach norm SHA. Pry hetym jon vykazaŭ nadzieju, što hetaje pytańnie budzie ŭrehulavana ŭ najbližejšaj pierśpiektyvie.

Jak paviedamlaŭ BiełaPAN, 13 sakavika na pres-kanfierencyi ŭ Minsku namieśnik ministra zamiežnych spraŭ Alaksandr Hurjanaŭ zajaviŭ, što Biełaruś raźličvaje na adnaŭleńnie pastavak miasa-małočnaj pradukcyi va Ukrainu ŭ najbližejšy čas. «Nieabchodny dyjałoh na ŭzroŭni vieterynarnych, sanitarnych słužb naładžany, viadziecca abmien infarmacyjaj, i my spadziajemsia, što arhumientacyja biełaruskaha boku budzie pravilna ŭspryniata i ŭ najbližejšy čas pastaŭki miasa-małočnaj pradukcyi na ŭkrainski rynak adnoviacca», — zajaviŭ Hurjanaŭ.

Biełaruś zaprasiła pradstaŭnikoŭ vietsłužby Ukrainy naviedać 12–15 sakavika biełaruskija małakapierapracoŭčyja pradpryjemstvy.

Alaksiej Areška, BiełaPAN.

• 0
• 0
• 0
• 0
• 0
• 0
• 0
• 0