U toj ža čas katalicki jerarch adznačyŭ, što «jaho sumleńnie čystaje», bo jon nie pieradavaŭ voraham carkvy nijakaj važnaj infarmacyi.
Arcybiskup słavackaj stalicy ŭpieršyniu aficyjna pryznaŭ, što mieŭ kantakty z ahientami kamunistyčnych śpiecsłužbaŭ. U toj ža čas, adznačyŭ katalicki jerarch, «jaho sumleńnie jość čystym», bo jon nie pieradavaŭ voraham Carkvy nijakaj važnaj infarmacyi.
Arcybiskup Bratysłaŭski Jan Sokał nadrukavaŭ 27 lutaha zajavu, u jakoj pryznaŭsia, što supracoŭniki słužby dziaržaŭnaj biaśpieki Čechasłavackaj sacyjalistyčnaj respubliki sapraŭdy prymusili jaho pajsci z imi na kantakt. «Pad čas hetych spatkańniaŭ, jakija kožny raz byli dla mianie źnievažalnymi, — havoryć arcybiskup, — ja imknuŭsia zachoŭvać interesy Carkvy i źviartaŭ uvahu ahientaŭ na małavažnyja rečy».
Da samaha apošniaha času arcybiskup Sokał, jakoha ŭ pačatku hoda słavackija SMI abvinavacili ŭ supracoŭnictvie z kamunistyčnymi śpiecsłužbami, admaŭlaŭ takija kantakty. Jašče zusim niadaŭna jon śćvierdziŭ, što nie pieradavaŭ nijakaj infarmacyi zhadanym vyšiej śpiecsłužbam «ni ŭ vusnaj ni ŭ piśmovaj formie».
Słavackaja presa zacikaviłasia monsińoram Sokałam paśla adstaŭki arcybiskupa Varšaŭskaha Stanisłava Vielhusa (7 studzienia biahučaha hoda), jaki taksama byŭ abvinavačany ŭ supracoŭnictvie z kamunistyčnymi śpiecsłužbami Polščy.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary