Jak paviedamili ŭ Kobrynskim rajonnym adździele Śledčaha kamiteta, trahiedyja zdaryłasia 16 sakavika pryblizna ŭ 19.00 na štučnym vadajomie ŭ vioscy Bielsk. Pavodle papiarednich źviestak, dva miascovyja školniki, 10 i 11 hadoŭ, katalisia na lodzie, pakul toj pad imi nie prałamaŭsia. Miascovy žychar, jaki prachodziŭ niepadalok, pačuŭ kryki chłopčykaŭ, kali tyja ŭžo źnikali pad vadoj. Dzieci znachodzilisia za siem mietraŭ ad bierahu, i vyratavać ich mužčyna nie zdoleŭ. Cieły chłopčykaŭ dastali vadałazy ranicaj 17 sakavika.
Pravierku pa fakcie hibieli školnikaŭ pravodzić Kobrynski rajonny adździeł Śledčaha kamiteta. Papiaredniaja pryčyna śmierci dziaciej — aśfiksija ŭ vyniku ŭtapleńnia.
Pavodle źviestak Bresckaha abłasnoha savieta Asvoda, z pačatku hetaha hoda ŭ vadajomach vobłaści patanuli šeść čałaviek, dzieviać udałosia vyratavać.
