Ja, arhanizm mužčynskha połu,
Ažyćciaŭlajučy peŭny hramadzianski «all in»
Prašu pa majoj prośbie i z majho dazvołu
Daŭšy mnie rehłamient u paru chvilin
Pa zakančeńni pramovy, vierahodna, pratestnaj pryrody
Biez usialakich akaličnaściaŭ i akramia,
vykraślić z abahulenych śpisaŭ narodu
Majo imia.
Takim čynam, ja źviartajusia da kožnaj adkaznaj piersony
Kancylaryj, u jakich u nas niedachopu niama
Zaličyć mianie ŭ žydamasony,
Piatuju kałonu (jakuju niedabiła ŭ svoj čas Kałyma).
Škodnikaŭ, kałabarantaŭ, reniehataŭ,
Anarchistaŭ, da choć by naradavoł —
Statusaŭ voraha ŭ nas bahata.
Patłumaču navošta: ja nie davaŭ dazvoł
Ad imia častki, taho, što musić być cełym,
A dakładniej, ad majho imia i ŭ imia mianie ž
Katavać, sadžać i pravodzić rasstreły
A paśla machać ručkaj bydłu, jakoje zhoniać u maniež.
Biezumoŭna, vykryvać voraha ŭ svaim susiedzie —
Nie maja ideja. U mianie nichto nie pytaŭ. Siudy
Ciažka viartacca, budučy voraham. Ale možna žyć niedzie
Nie bajučysia na kulu atrymać mandat ad usioj hramady.
Strach u pracesie rostu ciahniecca da taho, chto jaho siejaŭ.
Dva słovy dla ŭłaśnikaŭ partałaŭ i haziet. Naŭprost
Vaš rab unutry, biassprečna, pieražyŭ by i sto maisiejaŭ.
Bo hety rab piacihodkami vymiaraje svoj uzrost.
Psichałohija raba — takaja štuka.
Nie tak istotna, kaho bajacca Ra ci Łu.
Sabaku ciažka žyć, uśviedamlajučy, što jon — s…a
I adzinaje vyjście jaho — kusać, spadziejučysia na pachvału.
A, nakont kuli. Nakont mandatu —
Bajučysia spravakavać, abvastryć i vymusić — ja svoj vierš
Na tym skančaju.
Podpis. Data.
Zdaroŭja ŭsim. Psichičnaha, mabyć, najpierš.
