Z 25 sakavika Nacyjanalnaja avijakampanija (NAK) «Biełavija» pierachodzić na letni raskład, jaki budzie dziejničać da 27 kastryčnika.
«Kali raniej kožny novy siezon supravadžaŭsia pieravodam strełak hadzińnikaŭ, to ciapier pierachod ź zimovaha na letni raskład aznačaje źmianieńni ŭ prahramie palotaŭ: uviadzieńnie siezonnych rejsaŭ i novych napramkaŭ, pavieličeńnie častotnaści vykanańnia palotaŭ», — havorycca ŭ paviedamleńni adździeła markietynhu avijakampanii.
U novym siezonie praktyčna pa ŭsich kirunkach pavialičvajecca častata vykanańnia rejsaŭ: Paryž,
Napiaredadni Alimpijskich hulniaŭ pavialičvajecca kolkaść rejsaŭ u Łondan — NAK «Biełavija» budzie pieravozčykam alimpijskaj i paralimpijskaj zbornych Biełarusi.
Z 3 červienia budzie adkryty novy rejs pa maršrucie Minsk — Novasibirsk — Minsk. Novasibirsk stanie samym dalokim punktam pryznačeńnia ŭ maršrutnaj sietcy avijakampanii «Biełavija».
U letnim siezonie adnovicca vykanańnie siezonnych rejsaŭ u Karahandu, Kustanaj, Paŭładar, Mančester, Sočy i Simfieropal.
«Adkryvajučy novy siezon, my starajemsia ŭličvać, u pieršuju čarhu, pažadańni našych pasažyraŭ i płanujem u adpaviednaści ź imi svaje maršruty. Taksama my imkniemsia, kab u pieryjad adpačynkaŭ našy klijenty mahli vybirać rejsy sa zručnymi stykoŭkami i biez stomnych čakańniaŭ pačynać adpačyvać», ― cytuje adździeł markietynhu hienieralnaha dyrektara NAK «Biełavija» Anatola Husarava.
Kamientary