Niekatoryja litoŭskija pradpryjemstvy kuplenaje ŭ «Trajpła» dyzielnaje paliva pradavali inšym krainam.
U čorny śpis ES trapiŭ biełaruski biźniesmien Juryj Čyž i jaho kancern «Trajpł», u jakoha litoŭskija pradprymalniki kuplali dyzielnaje paliva. «Trajpł» — adzin z najbujniejšych u Biełarusi eksparcioraŭ haručaha ŭ krainy ES, piša Delfi.lt sa spasyłkaj na Lietuvos rytas.
Litoŭskija pradpryjemstvy naŭprost i praz pasrednikaŭ kuplali haručaje ŭ hetaha kancerna.
Kali «Trajpł» nie zmoža pradavać dyzielnaje paliva ŭ ES, to litoŭskim pradprymalnikam pryjdziecca šukać inšych pastaŭščykoŭ. Niekatoryja litoŭskija pradpryjemstvy kuplenaje ŭ «Trajpła» dyzielnaje paliva pradavali inšym krainam.
Ciapier u Litvu kala 10% dyzielnaha paliva zavoziać ź Biełarusi.
«Našy pradpryjemstvy kuplajuć šmat dyzielnaha paliva ŭ kancerna Čyža. U jaho haručaje tańniejšaje, čym na Orlen Lietuva. Tamu ciapier našym pryjdziecca šukać inšych pradaŭcoŭ u Biełarusi», — skazaŭ staršynia Sajuza litoŭskich AZS Ramandas Sadaŭskas.
Pavodle jaho słoŭ, jość inšy sposab abyści sankcyi. «Ab hetym mohuć pakłapacicca sami biełarusy. Skažam, u kampanii źmieniacca akcyjaniery, nazva, i ŭsio vierniecca na svaje miescy», — skazaŭ Sadaŭskas.
Pavodle nieaficyjnych źviestak, ES pajšoŭ na sastupki ŭ dačynieńni da kampanij Čyža. Łatvija i Słavienija akazvali nacisk na Brusiel, kab u čorny śpis nie ŭnosili niekalki kampanij, jakija naležać hetamu aliharchu. Namahańni hetych krain nie byli marnymi — try kampanii nie byli ŭklučany ŭ śpis, adznačaje litoŭski internet-resurs.
Ciapier čytajuć
Čamu ŭłady maŭčać pra pryčyny razbureńnia doma ŭ Homieli i jakija jość viersii1
Kamientary