Некаторыя літоўскія прадпрыемствы купленае ў «Трайпла» дызельнае паліва прадавалі іншым краінам.
У чорны спіс ЕС трапіў беларускі бізнесмен Юрый Чыж і яго канцэрн «Трайпл», у якога літоўскія прадпрымальнікі куплялі дызельнае паліва. «Трайпл» — адзін з найбуйнейшых у Беларусі экспарцёраў гаручага ў краіны ЕС, піша Delfi.lt са спасылкай на Lietuvos rytas.
Літоўскія прадпрыемствы наўпрост і праз пасрэднікаў куплялі гаручае ў гэтага канцэрна.
Калі «Трайпл» не зможа прадаваць дызельнае паліва ў ЕС, то літоўскім прадпрымальнікам прыйдзецца шукаць іншых пастаўшчыкоў. Некаторыя літоўскія прадпрыемствы купленае ў «Трайпла» дызельнае паліва прадавалі іншым краінам.
Цяпер у Літву каля 10% дызельнага паліва завозяць з Беларусі.
«Нашы прадпрыемствы купляюць шмат дызельнага паліва ў канцэрна Чыжа. У яго гаручае таннейшае, чым на Orlen Lietuva. Таму цяпер нашым прыйдзецца шукаць іншых прадаўцоў у Беларусі», — сказаў старшыня Саюза літоўскіх АЗС Рамандас Садаўскас.
Паводле яго слоў, ёсць іншы спосаб абысці санкцыі. «Аб гэтым могуць паклапаціцца самі беларусы. Скажам, у кампаніі зменяцца акцыянеры, назва, і ўсё вернецца на свае месцы», — сказаў Садаўскас.
Паводле неафіцыйных звестак, ЕС пайшоў на саступкі ў дачыненні да кампаній Чыжа. Латвія і Славенія аказвалі націск на Брусель, каб у чорны спіс не ўносілі некалькі кампаній, якія належаць гэтаму алігарху. Намаганні гэтых краін не былі марнымі — тры кампаніі не былі ўключаны ў спіс, адзначае літоўскі інтэрнэт-рэсурс.
Цяпер чытаюць
«Набліжаецца момант пералому сітуацыі». Вадзім Кабанчук пра план для беларусаў9
«Набліжаецца момант пералому сітуацыі». Вадзім Кабанчук пра план для беларусаў
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1717
Каментары