Tradycyja śviatkavańnia 25 Sakavika na emihracyi stała asabliva mocnym abjadnaŭčym faktaram u pavajenny čas. I akramia abaviazkovych śviatočnych akademij, što adbyvalisia ŭ roznych haradach i krainach, dzie žyli biełarusy, vydavalisia i roznyja vialikija i małyja prynahodnyja druki. Nižej pradstaŭlenaja nievialikaja kalekcyja paštovak, nalepak dy kanviertaŭ, źviazanych ź śviatkavańniem Dnia Niezaležnaści.
Paštoŭka «Niachaj Žyvie BNR». Pieravydańnie paštoŭki Urada BNR u Bierlinie (1920-ja), zroblenaje ŭ Niamieččynie ŭ 1946 h. (na samoj paštoŭcy miesca i čas vydańnia nie paznačanyja).
Paštoŭka «25 Sakavika 1918—1948». Vydadzienaja Hałoŭnaj Kvateraj Zhurtavańnia Biełaruskich Skaŭtaŭ ŭ Niamieččynie ŭ 1948 h.
Nalepka «25 Sakavika 1918—1948. Nacyjanalny Dar» (Niamieččyna, 1948).
Paštoŭka «Najlepšyja pažadańni na Dzień 25 Sakavika». Vierahodna, vydadziena ŭ Niamieččynie ŭ 1948-1949 hh.
Paštoŭka «Žyvie Biełaruś!» Miesca i čas vydańnia nie paznačanyja, była vydadziena ŭ druhoj pałovie 1940-ch abo ŭ 1950-ch hh.
Paštoŭka «Uzdymiem jaho vysoka – abo jon pakryje nas!» (z prysiahi biełaruskich partyzanaŭ)». Paznaka na advarocie: «Malunak mastaka Miranoviča. Vydańnie ZBK, pryśviečanaje 25-mu Sakavika – Cana -- 20 c.» Vydadziena ŭ Taronta kala 1951-1952 hh.
Paštoŭka-ŭlotka «25 Sakavika 1918-1966». Vydadziena Adździełam Zhurtavańnia biełarusaŭ u Vialikabrytanii ŭ Bradfardzie. Vydaviec Janka Kałbasa. 1966 h.
Na advarocie anhłamoŭny tekst, pryśviečany Kastusiu Kalinoŭskamu.
Kanviert «1918-1968». Vydadzieny Zhurtavańniem biełarusaŭ u Vialikabrytanii ŭ 1968 h.
Kanviert z nalepkaj «3-25-1918-1978». ZŠA.
Paštoŭka-zaprašalnik ź nievialikaj vyjavaj Pahoni ŭ pravym nižnim kucie. Vydadziena Adździełam Zhurtavańnia biełarusaŭ u Vialikabrytanii ŭ Mančestery na pačatku 1970-ch hh. (mahčyma, kala 1973 h.)
Paštoŭka-zaprašalnik z vyjavaj Pahoni na fonie biełaruskaha arnamientu. Vydadzienaja ŭ Kanadzie vierahodna ŭ 1980-ch hh.
Paštoŭka-zaprašalnik z vyjavaj Pahoni ŭ centry i biełaj ramkaju. Vydadzienaja ŭ Kanadzie pry kancy 1970-ch abo na pačatku 1980-ch hh.
Paštoŭka «25 Sakavika — Biełaruskaja Narodnaja Respublika. 1918—1998». Vydadzienaja ŭ 1998 h.
