«Ciapier vyvučajucca materyjały spravy», — rastłumačyli ŭ viedamstvie.
Jak paviedamlałasia, KDB pravioŭ śpiecapieracyju, kab spynić dziejnaść finansavaj piramidy «MMM-2011». U dačynieńni da arhanizataraŭ biełaruskaha adhalinavańnia hetaha prajekta raspačata kryminalnaja sprava pa č.3 art.233 (niezakonnaja pradprymalnickaja dziejnaść) KK. Papiarednie abjadnaŭšysia ŭ kiravanuju ŭstojlivuju hrupu dla ažyćciaŭleńnia sumiesnaj złačynnaj dziejnaści ŭ pieryjad z 2011 hoda pa 16 sakavika 2012 hoda, dziejničajučy ad imia niezarehistravanaha va ŭstanoŭlenym zakonam paradku na terytoryi Biełarusi subjekta haspadarańnia «MMM-2011», hrupa asob naŭmysna ažyćciaŭlała niezakonnuju pradprymalnickuju dziejnaść, źviazanuju z atrymańniem dachodu ŭ asabliva bujnym pamiery.
Ź siamioch zatrymanych piaci čałaviekam byli pradjaŭlenyja abvinavačvańni.
«MMM-2011» — internet-piramida. Jaje sutnaść składajecca ŭ tym, što ŭkładčyki kuplajuć svojeasablivyja virtualnyja akcyi abo valutu — «maŭro». Im abiacajuć dosyć vysokija pracenty: naprykład, 50% za miesiac. Stvaryŭ piramidu Siarhiej Maŭrodzi, jaki viadomy jak zasnavalnik ŭ byłym SSSR kaapieratyva «MMM».
Kamientary