«Цяпер вывучаюцца матэрыялы справы», — растлумачылі ў ведамстве.
Як паведамлялася, КДБ правёў спецаперацыю, каб спыніць дзейнасць фінансавай піраміды «МММ-2011». У дачыненні да арганізатараў беларускага адгалінавання гэтага праекта распачата крымінальная справа па ч.3 арт.233 (незаконная прадпрымальніцкая дзейнасць) КК. Папярэдне аб’яднаўшыся ў кіраваную ўстойлівую групу для ажыццяўлення сумеснай злачыннай дзейнасці ў перыяд з 2011 года па 16 сакавіка 2012 года, дзейнічаючы ад імя незарэгістраванага ва ўстаноўленым законам парадку на тэрыторыі Беларусі суб’екта гаспадарання «МММ-2011», група асоб наўмысна ажыццяўляла незаконную прадпрымальніцкую дзейнасць, звязаную з атрыманнем даходу ў асабліва буйным памеры.
З сямёх затрыманых пяці чалавекам былі прад’яўленыя абвінавачванні.
«МММ-2011» — інтэрнэт-піраміда. Яе сутнасць складаецца ў тым, што ўкладчыкі купляюць своеасаблівыя віртуальныя акцыі або валюту — «маўро». Ім абяцаюць досыць высокія працэнты: напрыклад, 50% за месяц. Стварыў піраміду Сяргей Маўродзі, які вядомы як заснавальнік ў былым СССР кааператыва «МММ».
Каментары