Pasažyry, jakija pavinny byli adpravicca rejsam «Biełavija» ŭ Maskvu ŭ 7.00, vylecieli ŭ 11.20
Pra heta paviedamiŭ adzin z pasažyraŭ rejsa Ivan Rak.
Pasažyry, jakija byli zarehistravanyja na rejs vyletam u 9.00, u Maskvu pakul nie vylecieli, paviedamili ŭ słužbie daviedki Nacyjanalnaha aeraporta Minsk.
Rejsy avijakampanii «Biełavija» z maskoŭskaha aeraporta Damadziedava zatrymlivajucca da 14.00 pa maskoŭskim časie (13.00 pa minskim), paviedamlaje sajt Damadziedava. Samalot rejsam V 1983 pavinien byŭ vylecieć u Minsk u 10.15. Na sajcie paviedamlajecca, što jon vylecić pryblizna ŭ 14.00.
Pra toje, što rejsy kampanii «Biełavija» ŭ Maskvu admienienyja, stała viadoma siońnia ranicaj ad pasažyraŭ, jakija nie zmahli vylecieć u stalicu Rasii. Pavodle nieaficyjnaj infarmacyi, pryčynaj admieny stała rašeńnie rasijskaj kampanii «Rasavijacyja» ab pazbaŭleńni «Biełavija» licenzii, pra što rasijski bok prainfarmavaŭ biełaruski telehramaj. U adkaz Minsk admoviŭsia prymać maskoŭskija rejsy. Ciapier baki viaduć telefonnyja pieramovy, kab urehulavać situacyju.
Krynica ŭ Ministerstvie transpartu i kamunikacyj Biełarusi śćviardžaje, što avijaznosiny spynienyja pa vinie rasijskaha boku. Maskva nibyta sprabuje atrymać dazvoł na bolšuju kolkaść rejsaŭ u Minsk, ale biełaruski bok nie pahadžajecca, matyvujučy heta damoŭlenaściu ab parytetnaj kolkaści rejsaŭ.
Tym časam na staroncy avijakampanii @Belavia_by u sietcy mikrabłohaŭ Twitter ź`iaviłasia paviedamleńnie ab tym, što «Biełavija» kampiensuje pasažyram košt biletaŭ na rejsy Minsk — Maskva i biaspłatna ažyćciaŭlaje praceduru pierabraniravańnia biletaŭ.
Kamientary