«Chałodnaja pavietranaja vajna» pamiž Biełaruśsiu i Rasijaj praciahvajecca

Nacyjanalnaja avijakampanija «Biełavija» hatovaja da kankurencyi ź inšymi avijakampanijami, ale ličyć umovy, što dyktujucca rasijskim bokam, nieprymalnymi.

Nahadajem, što 26 sakavika ŭ 06.21 ranicy pa minskim časie Rasavijacyja, pačynajučy z 07.00 ranicy, u adnabakovym paradku adklikała dazvoł na vykanańnie rejsaŭ pa maršrucie Minsk — Maskva, vydadzieny ŭ subotu 24 sakavika da 30 sakavika hetaha hoda.

Da 29 sakavika dasiahnuta papiaredniaja damoŭlenaść ab vykanańni rejsaŭ pa maršrucie Minsk — Maskva avijapieravozčykami Biełarusi i Rasii. U čaćvier pradoŭžacca pieramovy pamiž avijacyjnymi ŭładami dźviuch dziaržaŭ.

«Na zajavu rasijskaha boku ab tym, što biełaruski bok zabaraniŭ avijakampanijam Rasijskaj Fiederacyi vykanańnie rejsaŭ u Minsk,

chaciełasia b adznačyć, što mienavita Rasavijacyja prysłała nam telehramu ab adklikańni dazvołu na vykanańnie palotaŭ i biełaruskija avijacyjnyja ŭłady vymušany byli pryniać adekvatnaje rašeńnie»,

«Biełavija» ličyć traktoŭku mižuradavaha pahadnieńnia ab pavietranych znosinach i supracoŭnictvie ŭ śfiery pavietranaha transpartu ad 12 śniežnia 1997 hoda, vykazanuju kampanijaj «Aerafłot» u aficyjnaj zajavie, «zanadta adnabakovaj, i, u svaju čarhu, budziem u poŭnaj miery prytrymlivacca dziejnaha pahadnieńnia».

«My hatovyja vieści pieramovy, adnak paddavacca na šantaž nie źbirajemsia», — prakamientavaŭ aficyjnyja zajavy rasijskaha boku hiendyrektar «Biełavija».

«Ličym, što niečakanaje adklikańnie Rasavijacyjaj raniej vydadzienaha dazvołu, jakoje pryviało da spynieńnia rehularnch pavietranych znosin pamiž dźviuma stalicami, byŭ spravakavany AAT „Aerafłot“ dla atrymańnia pieravahi na biełaruskim rynku avijapieravozak. Kanstatujem fakt, što va ŭhodu svaim kamiercyjnym intaresam „Aerafłot“ prynios u achviaru jak svaich, hetak i pasažyraŭ „Biełavija“. Tamu ŭ pres-relizie ad 26 sakavika 2012 hoda „Aerafłot“ biezahavoračna padtrymaŭ dziejańni avijacyjnych uład Rasii, jakija nanieśli ŭron značnaj kolkaści pasažyraŭ „Biełavija“, „Sibiry“, „Jutejr“, „Transaera“, dyj samoha „Aerafłota“ va ŭhodu biźniesu adnoj z rasijskich avijakampanij», — havorycca ŭ kamientaryi.

«My hatovyja da kankurencyi, i heta paćviardžaje prysutnaść na biełaruskim avijarynku značnaj kolkaści mižnarodnych avijakampanij. Adnak umovy, jakija dyktujucca nam rasijskim bokam, nieprymalnyja, tamu što najpierš farmirujuć na rynku niezdarovuju kankurencyju, jakaja vyciaśniaje inšych udzielnikaŭ rynku i ŭ kančatkovym vyniku adabjecca na intaresach pasažyraŭ», ― padzialiŭsia Anatol Husaraŭ.

«Biełavija» taksama nahadvaje, što rasijski bok kateharyčna piarečyć suprać libieralizacyi pavietranych znosin i padpisańnia pahadnieńnia «Adkrytaje nieba» ź Jeŭrasajuzam, jakija b źniali ŭsie abmiežavańni pa palotach pamiž RF i ES. Adnačasova z hetym prapanoŭvajecca biełaruskamu boku pahadzicca na anałahičnuju rasijskuju prapanovu. «Chaciełasia b daviedacca, čamu zusim niadaŭna, u lutym hetaha hoda, rasijskim bokam była adchilena identyčnaja prapanova Hiermanii», — padkreślivajecca ŭ paviedamleńni biełaruskaj avijakampanii.

• 0
• 0
• 0
• 0
• 0
• 0
• 0
• 0