U dzień rasstrełu Kavalova MZS pisaŭ Kamitetu AAN pra prypynieńnie vykanańnia prysudu
Luboŭ Kavalova, maci rasstralanaha Uładzisłava Kavalova, i jaho siastra Taćciana Kaziar atrymali infarmacyju z Upraŭleńnia Viarchoŭnaha kamisara pa pravach čałavieka. Hetaja infarmacyja była nakiravana pradstaŭnikami ŭradu RB pry adździaleńni AAN u Ženievie jašče 15 sakavika 2012 hoda – u toj samy dzień, kali Ŭładzisłaŭ Kavaloŭ byŭ rasstralany.
Pradstaŭniki Biełarusi prainfarmavali Kamitet pa pravach čałavieka ab tym, što nahladnaja skarha Kavalova padadziena ŭ Viarchoŭny sud, prezident razhladaje jaho prašeńnie ab pamiłavańni. Pakul heta nie budzie razhledžana, vykanańnie śmiarotnaha prysudu budzie prypyniena.
U infarmacyi asprečvałasia prymalnaść skarhi pa spravie Ŭładzisłava Kavalova, a taksama sutnaść pretenzij dadzienaj skarhi.
Bližejšym časam maci i siastra nakirujuć svaje abviaržeńni hetaj niekarektnaj i aburalnaj infarmacyi ŭ Kamitet pa pravach čałavieka.
Kamientary