Pieršy ahraturystyčny kurort Biełarusi moža źjavicca ŭ Rasonskim i Połackim rajonach Viciebskaj vobłaści, paviedamiŭ 10 krasavika namieśnik ministra sportu i turyzmu Časłaŭ Šulha.
Mienavita tam u svoj čas źjavilisia pieršyja sielskija siadziby ŭ respublicy. Miascovyja ŭładalniki ahrasiadzib davoli lohka znajšli adzin z adnym supolnuju movu i štohod pravodziać fiestyval sielskaha turyzmu «Zaborski fest».
Ahraturystyčny kurort, pavodle słoŭ namieśnika ministra, pavinien budzie aktyŭna prymać turystaŭ nie tolki letam, ale i vosieńniu i viasnoj, jakija dla Biełarusi tradycyjna ličacca mižsiezońniem. Taki kurort pavinien mieć sielskija siadziby i ahraturystyčnyja kompleksy i budavacca pa kłastarnaj madeli.
Časłaŭ Šulha taksama adznačyŭ, što ŭ Biełarusi płanujecca pieradać inviestaram zaniadbanyja radavyja siadziby, jakija abo nie vykarystoŭvajucca, abo vykarystoŭvajucca nie pa pryznačeńni. «My dasiahnuli razumieńnia ź Ministerstvam kultury, miascovymi orhanami ŭłady i prapanavali, kab možna było vykupić radavuju siadzibu až da adnoj bazavaj vieličyni i invieściravać u jaje. Ale z umovaj jak minimum 5 hadoŭ vykarystoŭvać jaje ŭ turystyčnych metach», — udakładniŭ jon.
Sielski turyzm u Biełarusi zaradziŭsia 2 červienia 2006 hoda z pryniaćciem ukaza numar 372. Dakumient daŭ mahčymaść zajmacca ahraturystyčnaj dziejnaściu aficyjna, dy jašče i z padatkovymi pasłableńniami. Da hetaha sielskim turyzmam zajmalisia stychijna: chtości zdavaŭ u arendu dom na Naračy, chtości zaprašaŭ pahaścić u Brasłaŭskim rajonie. U chutkim časie paśla pryniaćcia ŭkaza Biełahraprambank pačaŭ vydavać ilhotnyja kredyty pad 5 pracentaŭ hadavych. Vydatki banka ad nierentabielnaha nakiravańnia pačała kampiensavać dziaržava. Choć suma vydzielenaha kredytu była nievialikaj (kala $20–30 tys., kali ličyć u zamiežnaj valucie), hetaha było dastatkova, kab dobraŭparadkavać sielski dom i pačać pradastaŭlać choć minimalny nabor pasłuh (raźmiaščeńnie, charčavańnie, ekskursii).
«Minuła niekalki hadoŭ, i mnohija subjekty ahraekaturyzmu pačali zarablać kapitał i stali jaho vyvozić za miežy svaich siadzib. Chtości pačaŭ budaŭnictva sielskich siadzib u inšych rehijonach, chtości, mahčyma, staŭ šukać ščaścia za miažoj, — pradoŭžyŭ pradstaŭnik Minsportu. — Heta prymusiła nas pierahledzieć dakumient». Ukazam numar 614, jakim uniesieny źmianieńni ŭ papiaredni
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ30
Kamientary