Vitala Rahačeŭskaha asudzili na 3 hady pazbaŭleńnia voli. Pra heta paviedamiła BT u filmie «Mietro», pryśviečanym teraktu ŭ minskim mietrapalitenie.
Asudžany milicyjant stajaŭ na ŭvachodzie na stancyju mietro «Frunzienskaja» 11 krasavika 2011 hoda.Pobač ź im prachodziŭ Dźmitryj Kanavałaŭ z sumkaj, što možna ŭbačyć na videa z kamier nazirańnia, ale milicyjant navat nie źviarnuŭ na jaho ŭvahi. Za heta na milicyjanta pačali asobnuju kryminalnuju spravu. 1 lutaha 2012 hoda jaho asudzili na 3 hady pazbaŭleńnia voli.
Varta adznačyć, što nikoli raniej teraktaŭ u mietro nie zdarałasia, tamu milicyja źviartała ŭvahu pieravažna na paradak i chulihanaŭ.
Nahadajem, što 12 studzienia 2012 h. na 3 hady pazbaŭleńnia voli z adbyvańniem pakarańnia ŭ papraŭčaj kałonii va ŭmovach pasialeńnia byŭ asudžany Rusłan Sinicyn. Jon nie ŭziaŭ u 2009 h. adbitki palcaŭ u pryzyŭnika Dźmitryja Kanavałava. Ekśpiert nie tolki tady nie pravioŭ daktyłaskapiju, ale i vydaŭ maładomu čałavieku daviedku ab tym, što toj prajšoŭ takuju praceduru raniej.
0
0
0
0
0
0
