Z prychodam viasny darožny ruch značna ažyŭlajecca i adnačasova ŭskładniajecca. Papiaredžańnie ab hetym raspaŭsiudziła ŭpraŭleńnie Dziaržaŭtainśpiekcyi MUS Biełarusi. Na darohi pačynajuć vyjazdžać u svaje pieršyja paśla zimy pajezdki dačniki, jakija stracili navyki vadžeńnia, a taksama matacyklisty,vadzicieli-pačatkoŭcy .
Tym, chto jeździŭ usiu zimu, spraŭnaja mašyna siurpryzaŭ padnieści nie pavinna. Treba tolki nie zabyć zamianić masła ŭ ruchaviku, kali jano nie ŭsiesiezonnaje, pamianiać šyny i admyć kuzaŭ ad soli, adznačajuć va UDAI.
Inšaja sprava tyja, kaho kličuć «padśniežnikami», chto nie karystaŭsia mašynaj zimoj.Im nieabchodna pravieryć techničny stan aŭtamabila, pierakanacca ŭ spraŭnaści rulavoha kiravańnia, tarmaznoj sistemy, sistemy abdzimańnia, škłoačyščalnikaŭ, pravieryć cisk u šynach. Ni ŭ jakim vypadku nielha jeździć na aŭtamabili sa znošanym malunkam pratektara šyn. Nieabchodna pastajanna sačyć za čyścinioj źniešnich śvietłavych pryboraŭ i rehistracyjnych znakaŭ. Kali zakančvajecca pieryjad dziejańnia papiaredniaha techahladu — zahadzia pakłapacicca ab jaho svoječasovym prachodžańni ŭ hetym hodzie. Taksama treba pravieryć, ci nie zakončyŭsia termin dziejańnia dahavora abaviazkovaha strachavańnia hramadzianskaj adkaznaści ŭładalnikaŭ transpartnych srodkaŭ.
Dziaržaŭtainśpiekcyja rekamienduje ŭsim, chto na praciahu zimy nie byŭ za rulom, pierš pa mahčymaści adnavić svaje navyki vadžeńnia na zakrytych terytoryjach abo trasach, dzie niama intensiŭnaha ruchu.
0
0
0
0
0
0
