ДАІ папярэджвае пра ўскладненне дарожнага руху з прыходам вясны
Групы рызыкі: падснежнікі, дачнікі і кіроўцы-пачаткоўцы
З прыходам вясны дарожны рух значна ажыўляецца і адначасова ўскладняецца. Папярэджанне аб гэтым распаўсюдзіла ўпраўленне Дзяржаўтаінспекцыі МУС Беларусі. На дарогі пачынаюць выязджаць у свае першыя пасля зімы паездкі дачнікі, якія страцілі навыкі ваджэння, а таксама матацыклісты,вадзіцелі-пачаткоўцы .
Тым, хто ездзіў усю зіму, спраўная машына сюрпрызаў паднесці не павінна. Трэба толькі не забыць замяніць масла ў рухавіку, калі яно не ўсесезоннае, памяняць шыны і адмыць кузаў ад солі, адзначаюць ва УДАІ.
Іншая справа тыя, каго клічуць «падснежнікамі», хто не карыстаўся машынай зімой.Ім неабходна праверыць тэхнічны стан аўтамабіля, пераканацца ў спраўнасці рулявога кіравання, тармазной сістэмы, сістэмы абдзімання, шклоачышчальнікаў, праверыць ціск у шынах. Ні ў якім выпадку нельга ездзіць на аўтамабілі са зношаным малюнкам пратэктара шын. Неабходна пастаянна сачыць за чысцінёй знешніх светлавых прыбораў і рэгістрацыйных знакаў. Калі заканчваецца перыяд дзеяння папярэдняга тэхагляду — загадзя паклапаціцца аб яго своечасовым праходжанні ў гэтым годзе. Таксама трэба праверыць, ці не закончыўся тэрмін дзеяння дагавора абавязковага страхавання грамадзянскай адказнасці ўладальнікаў транспартных сродкаў.
Дзяржаўтаінспекцыя рэкамендуе ўсім, хто на працягу зімы не быў за рулём, перш па магчымасці аднавіць свае навыкі ваджэння на закрытых тэрыторыях або трасах, дзе няма інтэнсіўнага руху.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары