Sielhasuhodździ ŭ Biełarusi pavinny apracoŭvać tyja, chto moža zabiaśpiečyć najbolš efiektyŭnuju vytvorčaść. Ab hetym zajaviŭ Alaksandr Łukašenka siońnia ŭ čas rabočaj pajezdki ŭ Stolinski rajon Bresckaj vobłaści.
U pryvatnaści, była ŭźniata tema raźvićcia fiermierskich haspadarak. U Stolinskim rajonie heta pytańnie asabliva aktualnaje ŭ suviazi z najaŭnaściu vysokaŭradlivych hleb, na jakich miascovyja žychary vyroščvajuć vialikija abjomy aharodninnaj pradukcyi. Pry hetym fiermiery časta skardziacca na toje, što im vydzialajecca mała ziamli.
«Prablemu treba vyrašać. Mnie ŭsio roŭna, chto budzie apracoŭvać ziamlu. Hałoŭnaje — heta efiektyŭnaść. Ziamloj pavinien vałodać toj, chto lepš heta zrobić. I treba spynić hetu vałtuźniu», — skazaŭ jon.
Alaksandr Łukašenka daručyŭ uradu razam z uładaj na miescach da vosieni vyrašyć ziamielnaje pytańnie, znajšoŭšy razumny bałans pamiž intaresami ludziej i dziaržavy. «Prymajcie rašeńni, kab jany byli prostyja i zrazumiełyja», — skazaŭ jon.
