У Століне ён загадаў выдзеліць больш зямлі прыватнікам, знайшоўшы разумны баланс паміж інтарэсамі людзей і дзяржавы.
Сельгасугоддзі ў Беларусі павінны апрацоўваць тыя, хто можа забяспечыць найбольш эфектыўную вытворчасць. Аб гэтым заявіў Аляксандр Лукашэнка сёння ў час рабочай паездкі ў Столінскі раён Брэсцкай вобласці.
У прыватнасці, была ўзнята тэма развіцця фермерскіх гаспадарак. У Столінскім раёне гэта пытанне асабліва актуальнае ў сувязі з наяўнасцю высокаўрадлівых глеб, на якіх мясцовыя жыхары вырошчваюць вялікія аб’ёмы агародніннай прадукцыі. Пры гэтым фермеры часта скардзяцца на тое, што ім выдзяляецца мала зямлі.
«Праблему трэба вырашаць. Мне ўсё роўна, хто будзе апрацоўваць зямлю. Галоўнае — гэта эфектыўнасць. Зямлёй павінен валодаць той, хто лепш гэта зробіць. І трэба спыніць гэту валтузню», — сказаў ён.
Аляксандр Лукашэнка даручыў ураду разам з уладай на месцах да восені вырашыць зямельнае пытанне, знайшоўшы разумны баланс паміж інтарэсамі людзей і дзяржавы. «Прымайце рашэнні, каб яны былі простыя і зразумелыя», — сказаў ён.
Каментары