Mužčyna apynuŭsia ŭ chałodnaj vadzie na hłybini troch mietraŭ.
Parapłanieryst straciŭ kiravańnie i ŭpaŭ u voziera Maciarynskaje, raźmieščanaje ŭ Puchavickim rajonie. Incydent adbyŭsia ŭ subotu, 14 krasavika, kala 16-j.
«Parapłanieryst z usim svaim ryštunkam, jaki važyć nie mienš za 60 kh, apynuŭsia ŭ chałodnaj vadzie na hłybini troch mietraŭ. Mužčyna cudam adšpiliŭsia ad paramatora, nabraŭ poŭnyja lohkija pavietra i pasprabavaŭ dapłyści da bieraha, dzie ŭ hety čas znachodzilisia ludzi, jakija vyklikali ratavalnikaŭ», — paviedamiŭ staršy inśpiektar Centra daśledavańniaŭ u halinie biaśpieki žyćciadziejnaści MNS RB Aleh Malevič.
Supracoŭniki MNS apieratyŭna vyciahnuli niebaraku i ŭvieś jahony latalny ryštunak na łodku i dastavili na bierah.
Ad špitalizacyi parapłanieryst admoviŭsia. Ratavalniki zabrali jaho z saboj u dziažurnuju častku, dzie mužčyna zmoh pryniać kantrasny duš. «Mužčynu napaili haračaj harbataj, dali lekaŭ i pakłali ŭ łožak, dzie toj čakaŭ pryjezdu svaich rodnych», — adznačajuć u MNS.
Kamientary