U svoj čas hazeta nazvała aktyvista AHP «faktyčna bamžom», a jon uziaŭ dy vyjhraŭ sud.
Hazeta «Homielskaja praŭda» ŭ numary za 15 sakavika paprasiła prabačeńnia ŭ staršyni Homielskaj haradzkoj arhanizacyi Abjadnanaj hramadzianskaj partyi (AHP) Andreja Tołčyna i jaho siamji.
Abviaržeńnie, jakoje nadrukavała aficyjnaja hazeta datyčyć publikacyi ŭ numary za 16 listapada 2006 hodu — redakcyja pryznała ŭ abviaržeńni, što niekatoryja farmuloŭki toj publikacyi źjaŭlajucca pryvatnymi mierkavańniami aŭtara Piatra Kuźmina.
Kuźmin, u pryvatnaści, napisaŭ, što «nichto z radavych členaŭ demakratyčnych arhanizacyjaŭ nia moža dazvolić sabie toj raskošy, jakuju majuć ich važaki», a taksama nazvaŭ Tołčyna i jaho žonku «faktyčna bamžami» (Tołčyn z žonkaju dziesiać hadoŭ žyvuć u kvatery siastry nia majučy prapiski).
Kuźmin i redakcyja «Homielskaj praŭdy» paprasili ŭ Tołčyna i jahonaj siamji prabačeńnia.
— Supracoŭniki «Homielskaj praŭdy» nie prytrymlivajucca nia tolki zakonu ab ŚMI, ale i kodeksu prafesijnaj etyki žurnalistaŭ, — skazaŭ Tołčyn, kamentujučy publikacyju, abviaržeńnie jakoj nakazaŭ hazecie homielski rajonny sud.
Ciapier čytajuć
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki11
Kamientary