U avaryi ŭ Homieli adzin čałaviek zahinuŭ, dvoje atrymali traŭmy.
Za čatyry vychodnyja dni supracoŭniki DAI zafiksavali 838 DTZ z materyjalnaj škodaj, paviedamlaje sajt MUS. U 52 avaryjach 11 čałaviek zahinuli i 67 atrymali traŭmy. Za kiravańnie aŭto ŭ niećviarozym zatrymali 662 niećviarozych kiroŭcaŭ.
Adna z avaryj ź ciažkimi nastupstvami zdaryłasia ŭ aŭtorak uviečary ŭ Homieli. Pry pavarocie naleva kiroŭca Opel Zafira nie prapuściŭ Renault Scenic. Udar pryjšoŭsia ŭ pravy bok «Opiela», aŭto pierakuliłasia. Pasažyrka, jakaja jechała ŭ hetym aŭto, zahinuła. Kiroŭca i pasažyr «Reno» z traŭmami byli dastaŭlenyja ŭ balnicu.
Jak paviedamlaje partał Auto.onliner.by, adzin sa śviedkaŭ zdareńnia śćviardžaje, što kiroŭca «Opiela» mahčyma byŭ niećviarozy. U DAI infarmacyju nie paćvierdzili, padkreśliŭšy, što pravodzicca pravierka. Kiroŭca «Reno» raniej byŭ pazbaŭleny paśviedčańnia, ale paśla skančeńnia termina pakarańnia dakumient nie adnaviŭ.
