Abśledavańniaŭ nie pravodzicca: ź Siarhiejem Kavalenkam sustrelisia svajaki

Ź viciebskim apazicyjanieram Siarhiejem Kavalenkam u Respublikanskim navukova-praktyčnym centry psichičnaha zdaroŭja ŭ Navinkach sustrelisia jaho svajaki. Pra heta BiełaPAN paviedamiła jaho žonka Alena Kavalenka.

«Jak mnie raskazała ciotka Siarhieja, lačeńnia jamu tołkam nie akazvajuć. Niekatoryja leki, jakija my jamu pieradavali, da jaho nie dachodziać. Kruhłasutačna, praz škło, za im nazirajuć uračy. Straŭnik u jaho pakul poŭnaściu nie pracuje, jość prablemy z padstraŭnikavaj załozaj i nyrkami», — paviedamiła Alena Kavalenka.

Akramia taho, pavodle jaje słoŭ, u RNPC psichičnaha zdaroŭja pa-raniejšamu admaŭlajucca pieradać niekatoryja pradukty, nieabchodnyja dla vychadu z haładoŭki. «U pryvatnaści, nie dazvalajuć pieradavać nieabchodnyja Siarhieju soki z aharodniny. Tamu jon ciažka vychodzić z haładoŭki», — skazała Alena Kavalenka.

Jana adznačyła, što ŭračy RNPC psichičnaha zdaroŭja ŭ pryvatnych hutarkach adznačajuć, što Siarhiej Kavalenka pavinien prabyć u ich miesiac, i zatrymajecca tam maksimum da 10 maja. «Pry hetym pakul nijakich abśledavańniaŭ psichičnaha zdaroŭja, akramia kruhłasutačnaha nazirańnia, nie pravodzicca», — zajaviła Alena Kavalenka.

***

Nahadajem, rašeńnie nakirvać Siarhieja Kavalenku na kompleksnuju psichijatryčnuju ekśpiertyzu va ŭmovach stacyjanaru pryniała 10 krasavika sudovaja kalehija Viciebskaha abłasnoha suda. Da atrymańnia vynikaŭ ekśpiertyzy abłasny sud prypyniŭ razhlad kasacyjnaj skarhi Kavalenki na pryhavor suda Pieršamajskaha rajona Viciebska, jaki 24 lutaha pryznaŭ jaho vinavatym va ŭchileńni ad adbyvańnia pakarańnia ŭ vyhladzie abmiežavańnia voli (art. 415 KK). Havorka idzie ab pakarańni, vyniesienym apazicyjanieru ŭ mai 2010 hoda za vyviešvańnie bieł-čyrvona-biełaha ściaha na hałoŭnaj navahodniaj jołcy Viciebska, — try hady pazbaŭleńnia voli ŭmoŭna.

Aktyvist Kansiervatyŭna-chryścijanskaj partyi — BNF Siarhiej Kavalenka znachodzicca ŭ źniavoleńni z 19 śniežnia 2011 hoda. U znak pratestu jon abviaściŭ haładoŭku i straciŭ pałovu svajoj vahi, jakaja składała 83 kiłahramy. 1 krasavika apazicyjaniera pačali prymusova karmić, bo prymać ježu samastojna ŭ turemnych umovach jon admaŭlaŭsia, niahledziačy na šmatlikija ŭhavorvańni rodnych, prośby pradstaŭnikoŭ hramadskaści i apazicyjnych palitykaŭ. Pry hetym Kavalenka zajaŭlaŭ, što spyniŭ by haładoŭku, kali b jaho pieraviali ŭ zvyčajnuju cyvilnuju balnicu.

13 krasavika stała viadoma, što Kavalenka dobraachvotna spyniŭ haładoŭku i pačaŭ samastojna vychodzić ź jaje.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH