U Eŭropie ładziacca akcyi salidarnaści ź biełaruskaj apazycyjaj, prymierkavanyja da hadaviny prezydenckich vybaraŭ u Biełarusi i padziejam, što byli paśla. U noč na paniadziełak u Finlandyi i 40 haradoch Eŭropy byli zaleplenyja raty pomnikam na znak salidarnaści ź biełaruskaj moładździu, jakaja, jak miarkujuć arhanizatary akcyi, pryhniatajecca ŭ Biełarusi.
Arhanizatarami akcyi salidarnaści vystupili aktyvisty finskaha abjadnańnia «Moładź Eŭropy».
«Eŭraźviaz musić vykarystać svoj mižnarodny ŭpłyŭ i patrabavać ažyćciaŭleńnia pryncypaŭ demakratyi, svabody słova i pravoŭ čałavieka na ŭsioj terytoryi Eŭropy. Urad Alaksandra Łukašenki ŭ Biełarusi abmiažoŭvaje svabodu presy, telebačańnie znachodzicca pad kantrolem dziaržavy, i hramadzianie nia majuć mažlivaści ŭdzielničać u palityčnaj dziejnaści», — havorycca ŭ zajavie finskaj arhanizacyi.
U ramkach «haračaha biełaruskaha tydnia» akcyi salidarnaści ź biełaruskaj apazycyjaj projduć pa ŭsioj Eŭropie, a taksama ŭ ZŠA. U Vašynhtonie 25 sakavika maje prajści demanstracyja ŭ padtrymku biełaruskich viaźniaŭ, kinutych u vastroh pa palityčnych matyvach. Sa słovaŭ arhanizataraŭ akcyi ŭ stalicy ZŠA, 25 sakavika la budynku pasolstva Biełarusi źjavicca symbaličnaja «płošča Kalinoŭskaha», kab nahadać biełaruskim dyplamatam pra padziei na Kastryčnickaj płoščy ŭ Miensku.
Zaviaršalnym mierapryjemstvam «haračaha tydnia» stanie kancert «Salidarnyja ź Biełaruśsiu» u Varšavie, što projdzie na Zamkavaj płoščy 25 sakavika.
Fota charter97.org
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary