Saviet respubliki ŭchvaliŭ uviadzieńnie kamiendanckaj hadziny dla padletkaŭ

Saviet respubliki ŭchvaliŭ prajekt zakona "Ab uniasieńni źmianieńniaŭ i dapaŭnieńniaŭ u niekatoryja zakony Respubliki Biełaruś pa pytańniach prafiłaktyki bieznahladnaści i pravaparušeńniaŭ niepaŭnaletnich". Jon byŭ pryniaty pałataj pradstaŭnikoŭ u druhim čytańni 19 krasavika.

Pradstaŭlała dakumient členam savieta respubliki staršynia kamisii pa mižnarodnych spravach i nacyjanalnaj biaśpiecy Nina Mazaj.

Zakonaprajekt raspracavany z metaj udakładnieńnia orhanaŭ, jakija ažyćciaŭlajuć prafiłaktyku bieznahladnaści i pravaparušeńniaŭ niepaŭnaletnich, pašyreńnia pieraliku katehoryj niepaŭnaletnich, što nakiroŭvajucca ŭ śpiecyjalnyja navučalna-vychavaŭčyja i lačebna-vychavaŭčyja ŭstanovy, a taksama vyznačeńnia asablivaściaŭ razhladu spraŭ ab nakiravańni niepaŭnaletnich va ŭkazanyja ŭstanovy, spynieńnia ci pradaŭžeńnia znachodžańnia ŭ ich.

Siarod asnoŭnych pałažeńniaŭ zakonaprajekta — zabarona dla niepaŭnaletnich, jakija nie dasiahnuli 16 hadoŭ, znachodzicca ŭ načny čas (z 23.00 da 06.00) pa-za žyllom biez supravadžeńnia darosłych, a taksama ŭstanaŭleńnia adkaznaści baćkoŭ ci asob, jakija ich zamianiajuć, za nievykanańnie abaviazkaŭ pa supravadžeńni niepaŭnaletniaha ŭ načny čas.

Zakonaprajektam vyznačany katehoryi niepaŭnaletnich, jakija mohuć być nakiravanyja ŭ śpiecyjalnyja navučalna-vychavaŭčyja i lačebna-vychavaŭčyja ŭstanovy. U pryvatnaści, heta norma moža raspaŭsiudžvacca na niepaŭnaletnich, kali jany:

- try i bolš razy na praciahu hoda ŭčynili takija administracyjnyja pravaparušeńni, jak naŭmysnaje pryčynieńnie cialesnaha paškodžańnia, drobnaje chulihanstva, naŭmysnaje źniščeńnie abo paškodžańnie majomaści, zaviedama łžyvaje paviedamleńnie, drobny kradziež, raśpivańnie ałkaholnych, słabaałkaholnych napojaŭ ci piva, źjaŭleńnie ŭ hramadskim miescy ŭ pjanym vyhladzie, jaki abražaje čałaviečuju hodnaść i maralnaść, zaniatak prastytucyjaj, kiravańnie transpartnym srodkam u stanie apjanieńnia, kiravańnie transpartnym srodkam biez prava kiravańnia, i kali inšyja miery vychavaŭčaha i prafiłaktyčnaha ŭździejańnia ŭ dačynieńni da ich nie dali stanoŭčaha vyniku;

- pakutujuć chraničnym ałkahalizmam, narkamanijaj ci taksikamanijaj i paśla praviedzienaha lačeńnia ŭ dziaržaŭnych arhanizacyjach achovy zdaroŭja byli pryciahnuty da administracyjnaj adkaznaści za ŭčynieńnie administracyjnaha pravaparušeńnia ŭ stanie ałkaholnaha apjanieńnia ci ŭ stanie, vyklikanym spažyvańniem narkatyčnych srodkaŭ, psichatropnych, taksičnych abo inšych adurmańvajučych rečyvaŭ.

• 0
• 0
• 0
• 0
• 0
• 0
• 0
• 0