U internecie možna znajści prapanovy pisać za hrošy «pravilnyja» kamientary na apazicyjnych sajtach.
«Nieabchodny postynh u kamientarach na niekalkich sajtach. Usie sajty palityčnyja i apazicyjnyja. Sutnaść pastoŭ — adekvatnyja kamientary, całkam adpaviednyja pohladam patryjatyčna nastrojenaha čałavieka, jaki prytrymlivajecca kiroŭnaha režymu (pa sutnaści — u kamientach treba asprečyć artykuł)»,— padobnyja prapanovy možna znajści ŭ internecie, varta tolki napisać u pošuku «postynh za hrošy».
Takija dziejańni siarod internaŭtaŭ atrymali nazvu «astraturfinh». Vikipiedyja daje «astraturfinhu» nastupnaje vyznačeńnie:
«vykarystańnie sučasnaha prahramnaha zabieśpiačeńnia, albo śpiecyjalna naniatych za apłatu karystalnikaŭ dla štučnaha kiravańnia hramadskim mierkavańniem».Klučavoje tut słova «štučnaje», heta padkreślivajecca samoj nazvaj terminu, jakaja pachodzić ad papularnaha brendu štučnaj travy dla stadyjonaŭ Astro Turf.
Astraturfinh užyvajecca dla vyciaśnieńnia dumki realnych ludziej na veb-forumach, dla arhanizacyi padroblenych kampanij u internecie, jakija stvarajuć ŭražańnie, što vialikaja kolkaść ludziej patrabujuć čahości kankretnaha, albo vystupajuć suprać čaho-niebudź.
Jak heta pracuje? Karystalnik rehistrujecca na niekalkich forumach i pačynaje pakidać kamientary ad imia zvyčajnaha čytača. Pry hetym važna zachoŭvać bačnaść niezaanhažavanaści.
Časta adzin i toj ža čałaviek moža arhanizavać na peŭnym sajcie «dyskusiju» pamiž stvoranymi im ža «čytačami».
Padobnyja technałohii ŭžyvajucca nie tolki ŭ palityčnych batalijach. Na zachadzie jany šyroka užvyvajucca bujnymi karparacyjami. U minułym hodzie brytanaskaja hazieta «Hardyjan» pryśviaciła astraturfinhu artykuł, u jakim pastaviła pytańnie, jak abaranić anłajn-demakratyju ad armii trolaŭ.
***
Dziakuj za padkazku temy dla artykuła čytaču nn.by, jaki padpisvajecca Złoj!
Ciapier čytajuć
Mielnikava krała hramadskija hrošy pa $2500, pieravodziačy na ŭłasny rachunak21
Mielnikava krała hramadskija hrošy pa $2500, pieravodziačy na ŭłasny rachunak
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu2222
Kamientary