Minčuk abstralaŭ susiedski «Miersedes»
Jamu zdałosia, što paśpiachovy pryjaciel nie addaŭ staroj pazyki.
Pračnuŭšysia ranicaj u kiepskim nastroi paśla ŭčorašniaha zastolla, 48-hadovy minčanin uspomniŭ, što niekali pazyčyŭ susiedu 100 dalaraŭ. A toj, zdajecca, nie viarnuŭ (nasamreč susied hrošy daŭno addaŭ). Pry hetym «pazykant» žyŭ prypiavajučy, jeździŭ na «Miersedesie», a ŭ vypiŭšaha mužčyny i na žyćcio hrošaj nie asabliva chapała. Tamu jon razzłavaŭsia, dastaŭ z šafy pnieŭmatyčnuju vintoŭku i pačaŭ z akna stralać pa mašynie susieda. Pačuŭšy zvon škła, haspadar mašyny vyjšaŭ na vulicu, usio zrazumieŭ i patelefanavaŭ u milicyju.
Vinavaty adrazu pryznaŭsia i abaviazaŭsia pakryć škodu — kala 10 miljonaŭ rubloŭ, piša sajt HUUS Minskaha harvykankama.
Pnieŭmatyčnuju zbroju ŭ Biełarusi možna kupić bieź śpiecyjalnaha dazvołu. I davoli časta jaje vykarystoŭvajuć zusim nie z dobrymi namierami. Čaściej za ŭsio hierojaŭ ź siabie vydajuć pjanyja.
Kamientary